A MAN

Home » Cahram » A MAN

By vcth on September 18, 2010.

Johnlsl

‘Pe hmaisa, lek neta (lole) lek hmaisa, pe neta’ hi catlang hi John C. Maxwell ih nganmi cabu te pakhat ah ka sair ngah, ka lung i khoih ngaingai.
‘Nauhak lai ti cu tuah ding poimawh tuah hnakin lek le nuam lampang sawn hi ka rak paih zet, Cumi hrang a man ka pek saal ṭul ti fiang ko in ka pa nih i zirh ngah. Ka nun hmailam tluan hrang, ka tumtahmi pawl hrangah atu tuah dingmi pawl teimak in ka tuah, ka zuam a si le a rah, a par pawl hnangam ten ka tlan ngah saal leh ding. Colhdam le hnangam in tu ka um hiahhiah men a si le a neta ah co dingmi vo nei lo in vansanglam in ka talbuai ding. Hihi Ka pa hnen in ka zir ngahmi si’, a ti.

Rualpi, unau tampi ka nei ih kan nun pawl ka zoh saal tikah kan bang aw cio lo. Hmailam hrang thusau ruat in duhnak phunphun sut aw ṭenṭo ih a teimak tu an um, a awn mawi tawk ih a nor ve ngerngo tu an um, a ṭha sawn mi si ti thei ko na cingin caan tawite hrangih nuamcennak phunkim ah lungawi tu an um. Caan tawite sungah cun ziang lamdangnak hman a lang cuca lo, nan, caan tawkfang a rei in cu kan sinak, kan thiltitheinak, kan dinhmun pawl fiang takin a dang aw vuarvi ta mei.

Hmailam hrang ruat ih a nor tu ‘ Pe hmaisa’ pawl hi hmai ah an thleng, nuam ten lo ziang, ka ti leh pei cu a ti deuh ringring tu ‘lek hmaisa’ pawl hi dungah kan tang.
Ka ca ap ding pakhat ka tlai ṭum ah ka sayama nih i timi cu, ‘ Ti lo lawlaw hnakin cu ziangtluk tlai tla a ṭha sawn ko sokhaw, hmat na ngah lo hmanah na thiam ngahmi hi ziangtluk na miat’ i ti. Si rori, caan tampi ah ‘pe hmaisa’ dingmi ka rak pek lo zo, nan, tu in ka thok.

Na ruahnak