A Tak ah Cang Ter Aw

Home » Cahram » A Tak ah Cang Ter Aw

By vcth on September 3, 2012.

A kum cu 1957 ah a si. California ih kum 10 luan hawklak pa pakhat ih thu a si. Cui tlangval pa te cu American nauhak dang pawl vekin American Football a at cilhpi ve. Cu lai ih A. Football lektu hminthang bik cu Jim Brown a rak si. Cui tlangval pa te tla Jim cu a uar nasa, a thih pi.

Tlangval pa te cu mi farah ngaingai a si. Rawl ei ding ṭhiṭha tla a  nei lo. Mi ṭawl te a si. Ruh par ih vun khuh fang. A ruangrai zoh in vitamin a khop lo ti theih thei.

A.Football lek zohnak peisa tla a nei lo nan Jim ih sign (autograph) ngah thei ding in a zuam. Lektu pawl hnipuan thlengnak khan kiang te in a hngak. Lek an ṭheh in Jim cu a rak suak. Cui tlangval pe te cu “Jim, a lo uar zet tu ka si. Ka khan sung tla na zuk lawnglawng a khat. Cule leitlun A.Football ih tahfung (record) a khiat tu tla na si. Zangfah ten na  zuk parah na sign in sen sak aw” tiah lungawi zet mithmai thawn a ti. Jim tla cun a ṭong a cem tiang a ngai sak cule a sen sak.

Jim a feh zik ah cui tlangval pa te cun, “Jim, ni nikhat ah nangmah hnak ih a hmin thang sawn le na khiak mi record pawl a lo lan tu ding ka si,’ tiah rinsan awk tak in a ti. Jim cu a mit a kau. “Ni hmin zo si,” tiah a sut. Tlangval pa te cun “Orenthal James ka si, ka rual pi pawl nih cu OJ in ti,” tiah a let.

Orenthal James cu a tak in A. Football lektu hmin thang bik pakhat ah a rak cang leh. Jim Brown ih record pawl lan in record thar a nem hnget thei. A felfai mi tumtahnak in nitin kan nun thazang a pek ih a thar thawh ter ringring. Tumtahnak felfai nei uhsi. Cun kan sunmang a tak ah cang ter ding zuam uhsi.

Francis Cung Bik

A Tak ah Cang ter aw

Na ruahnak