A Tar Thei Lo Mi Zirnak

Home » Cahram » A Tar Thei Lo Mi Zirnak

By vcth on September 15, 2010.

Zaan khat ah ka rualpi pakhat in link pakhat in kuat. Rualpi karlak ah duhmi link share aw cu a dan a si ko. A caancaan tla cu a zoh hman ka zoh lem lo. Cui zaan cu ka zoh. Ka ong. Ka thinlung i khoih zet. Ka facebook ah tla ka tar. Pitar nu pakhat guitar solo a ṭhua nasa mi video a si. A hmin cu Grandma Mary ti a si. Amah cu kum 74 a siih kum 60 a si in Guitar tum a thok. Um har phen tum phah in cu tin tu cu concert, Album pawl tla a suah.

Blog ti vek ih visitor tam zet nei ding hi thil ol  a si lo. Youtube ti vek ah a caancaan ah video tete ka upload ve ṭheu. A zoh tu an um cuca lem lo. Grandma Mary ih Youtube ka zoh ih “I need your love so bad’ viewer 263,063, ‘Samba Pa Ti’ viewer 193,339, ‘Release Me’ viewer 53,846 in an zoh. Cucu a men lo nasa.

Grandma Mary ka zoh in thazang ka ngah nasa. Zirnak ti hi a tar thei lo ti a nem hnget. Kan laimi tam pi kan kaa ih a leng mi cu ‘ka tar zo’ ti a si. Kum 40, 50 hman kim hlan in tar kan cuh. Zirnak, challenge tawng ding kan huphurh. Hih kan pi Mary ka zoh in kei kum no lai mi zirnak ah nasa zetin teimak ding hi a mawi lo sawm ti ka ruat. Thluak ṭhatuk, thil thiam ol tuk na si lo hman ah na teimak hrat ah cu teimaknak in cinri pakhat tiang cu a lo thlen pi ding ti ka zum.

Na ruahnak