AA pawl in Paletwa cu kan ram a si an ti

Home » Thuthang » Chin News » AA pawl in Paletwa cu kan ram a si an ti

By vcth on July 12, 2017.

Arakan Army tiih theih mi Rakhine dothlengnak pawlkom AA pawlin Paletwa cu Rakhine ram a si tiah an ti.

AA pawl in June 9 ah Arakan Army Hot News timi Facebook ah page, “Paletwa cu Rakhine siangpahrang pawl ih rak uknak ram a si. Paletwa ah Rakhine pawl an um thok ah unau Chinmi pawl cu hni-puan hma tthittha in an hruk thiam hrih lo. Mah-sah-lah san ah Kawl pawl in Rakhine le Chin buai dingin Paletwa cu Chin ramkulh ah an ret mi a si,” tiah an ti.

AA cu 2009 ih dinmi a si. An ralkap a tam sawn cu Kachin ram ih um an si. An thazang a cak vivo ih Rakhine ram ah hmun khuar an thok. Rakhine ram lawng siloin Chin ramkulh thlanglam Paletwa tla an uknak ah telh an tum. Paletwa peng cu pehtlaih suksonak a harsa zetnak hmun a si bangin ramhnuai mi hrangah cun a rak remcang zet. Cun Paletwa peng cu Rakhine ramkulh le Bangladesh ram pawl thawn a ri aw ruangah khat lam le khat lam hlehkanak ah a remcang sinsin fawn.

Na ruahnak