Heavy Metal

Home » Awnmawi » Heavy Metal

By vcth on August 21, 2013.

Bigte

Music duhtu u le nau zaten cibai ka lo buk! Music cu a tlangpi thu-in kan zaten kan duh thluh ko. Amah bel te kan duh zawng kha a bang aw mi tla um ding vek-in bang aw lo mi tla a um ve ding. Cucu minung pakhat cio ih kan mah le feel dan cio a si mai. Tu ṭum-ah a kio le rak lam pang in kan hun thok dingih cutin nuamteten dai ziahzi lampang ah tla kan titi vivo leh ding.

Heavy Metal Music

Heavy Metal cu rock music phunkhat a si. 1960 hrawng le 1970 kiangkap hrawng in a rak thok ih, UK le US ah a rak cuul nasa. Blues-rock le Psychedelic rock ah hrambun khawm mi a si, sah zet le thum tak mi aw thawn suah ter a si ih, distortion kha nasa ten hmang mi a si, Guitar solos hrang hrimhrim ah bet belh le, beats tla nasa ten tum a ṭul, cu le a aw suah tla nasa takin suah ter tul mi a si. Heavy metal ih an hlafang le an hmuhlang ter-nak(performance) style pawl cu pa de-de hlafang pawl le mipa sinak hi thupi tuk-ih bunmi hlafang pawl an si.

Hmaisabik heavy metal band pawl ah Led Zeppelin, Black Sabbath le Deep Purple pawl hi mipi tampi hip tu pawl an si, cop le cilh in an rak buai hnawh rero, hmanseh la cuih phun dang te an thil phorhsuak mi cu santhuanthu(history) ah a ra cang ta. Cun, 1970 lai hrawng ah Judas Priest in nasa tak in a rak phorhsuak vivo bet, blues ah hram bun aw mi a si nak thawng in. Motorhead nih punk rock thar a hun suahpi ih lungsung puakkuai lam le speed lam thapek zetmi a si. New Wave of British Heavy Metal band bu pawlkom sung in Iron Maiden pawl tla cu a zom vivo tu a thahri pawl an si. Kumsawmbi cem hlan ah, heavy metal cun lusut (head bangers) thawng le vang in leitlun khuaza kip-ah thang celcel in theih cu a rak si ta ee…

Heavy Metal >Tawi famkim ten simfiangnak:

Stylistic origin: Blues-rock, psychedelic rock

Cultural origins: Late 1960s, UK le US

Typical: Electric guitar, bass guitar, drums, vocals le keyboards

Mainstream: Worldwide, 1960 hnu-in tusan tiang

Na ruahnak