Rock Music

Home » Awnmawi » Rock Music

By vcth on September 10, 2013.

Bigte

Caan tawkfang lai cu a kio le raak, Metal ah kan titi khawm cu si.Cunah mallai cu cawl-hah-dam ter duak seh-la, tu cu Metal ih a pu(dawhhna) si mi khuang le au lam pang, Rock Music ah kan titi lala ta ding. Cutin hmailam ah kan dam vivo si le cu an phorhsuak rero mi( lai ding tla um lai ding)pawl ih an dawhhna tete ciar cu theihter awk kan tum vivo ve lo kem!

Rock music cu a larzet mi music phunkhat asi ih 1950 hrawng ah rak dinghnget mi asi. 1940 hrawng le 1950 kiangkap hrawng ih rock and roll, rhythm and blues, country music pawl ah hin hram rak bun mi asi hlei ah folk music, jazz le classical music pawl ihsin rak suak mi asi.

Rock ih ankaa ah cun guitar back beat thawn a thuam aw mi asi ih Rhythm section asi mi electric bass guitar, drums, le keyboard hmanrua pawl ah organ, piano, lole, 1970 hrawng in synthesizers(electric lam hmanrua) hman a rak si vivo. Kop-awk cih in guitar lole keyboard, saxophone le blues-style harmonica pawl cu khat –tawk- khat- tawk( a cang-cang te ah tinak) ah solo hrang ah tla hman a rak si cih ve. A nih hin “purest form’ ti mi a nei ih “ chord pa thum a nei, a cak mi, rouhzet mi back beat, le catchy melody pawl asi.

1960 tlailam le 1970 thok vuakvel hrawng ah Rock music cu hnge danglam in a ṭhangdarh vivo cu si. Flock music thawn a cokrawi tik ah Flock rock ah a rak cang mai, cuvek in blues thawn a cokpolh tik ah blues-rock le jazz tla cu thotho, a vun cokpolh lala ih jazz-rock fusion asi ta mai. 1970 hrawng ah, rock cu soul, funk, le Latin music ih rak zel ngahmi le semter tlang khawm vivo mi asi. Cuhlei ah, 1970 hrawng ah, rock cu hnge tete a hun suah pi vivo, cu pawl cu Soft rock, Glam rock, Heavy metal, Hard rock, Progressive rock, le Punk rock tla an si. Rock hnge pawl cu 1980 hrawnghrang ah a hnge pawl a ra suak ih New wave, Hardcore punk le Alternative rock pawl hi a hrualkhawm mi asi bet. 1990 vuakvel ah, Grunge, Britpop, Indie rock, le Nu metal pawl hi a hnge lak ah tel khawm mi pawl an si fawn.

Rock music ah thiam hlei-ce pawl um khawmmi pawl kha rock band lole rock group tin kawh asi. An pawlkom Rock sung ih tel khawmmi ah electric guitarist, lead singer, bass guitarist, le drummer, pali kop khawm mi hi a si. Ahrek khat pawl in le lead tum phah in hla sak cih asi, pakhat in hnaṭuan hnih a ceem kan ti pei cu, cu pawl cu Trio lole duo(duet) tin kawk si ih, cuhlei ah cemter cih siloin an bet sawn leh lam lala ih Rhythm tumtu ah pahnih lole keyboard tumtu sawn ah. Cuih group pawl cun stringed instrument pawl si mi violin pawl lole cello pawl kha an hmanglem lo ih, woodwind instrument si mi saxophone, le brass instrument pawl ah trumpet lole trombones pawl cu hmang mi an rak si lem lo.

Caan tawkfang reilo te ah rock cu kawhnak an rak neiter ih blanket term( ziangkim thawn pehtlaihnak nei mi) ti si ih pop music, soul music, le voikhat hnih ah cu hip hop tiang tla, a santhuanthu(history) thuhla ah khaikhawm ṭheu mi music asi.

Rock Music> Tawi famkim ten simfiang nak:

Stylistic origins: Rock and roll, electric blues, folk music
Cultural origins: 1950 hrawnghrang le 1960 hrawng,US le UK
Typical instruments: Electric guitar, bass guitar, drums, synthesizer, keyboards
Mainstream popularity: khawvel huap
Derivative forms: New Age Music, Synthpop

Rock Music

Na ruahnak