Rock and Roll

Home » Awnmawi » Rock and Roll

By vcth on September 13, 2013.

Bigte

Rock and roll ( rock & roll lole rock ‘n’ roll tin tla ngan a si ṭheu) cu lar ve mi music phunkhat si ih 1940 tlailam le 1950 thok lam hrawng United States ah hram rak bun mi le rak semsuah mi si ih, a dawhhna laknak (komkhawmnak) cu blues, country music le gospel music in a si. Rock and roll thuhram sinak te a rak nei ve ih cumi cu 1930 hrawng ih country record pawl an rak tuahnak in theih a rak si zo, cun blues record pawl kha 1920 hrawng ah si lala, cutin 1950 hrawng tiang rock and roll tin hminpu in kawh a rak co ngah hrih ta lo.

Khuahlan lai te ih a thuam aw dan te ah cun Rockabilly( rock and roll music rak semsuah tu phunkhat a rak si )tih si ih, country le jazz komkhawm mi asi. Appalachian folk music ti mi traditional music le gospel ih zel- ngah mi a rak si. Hi ṭongfang hmang mi “rock and roll” hi amal bik in phunhnih in tiduhnak a nei, a pahnih in hmantlang vualvo mi asi. American Heritage Dictionary le Merriam- Webster Dictionary an pahnih hin bangrep in hrilhfiahnak an pek ih cumi cu rock music thawn a bangaw tiah an sim. Khatlam zawng ah Allwords.com ih hrihfiah ve nak ahcun 1950 kiangkap hrawng ih music kha a si tiah a rak sim ve fawn.

Rock and roll a rak thok pek lai 1940 tlailam le 1950 thoklam ah cun, piano lole saxophone cu lead instrument ah hman a rak si ṭheu, na-in 1950 tlailam ah cu guitar kha hmalak tu ah rak hman a si lala. Beat hmangdan ah cu boogie woogie(piano style phunkhat si) blues rhythm le backbeat kha thupi ah an hmang mi cu si ih, nehhnu lam ah cu snare drum in ṭuanvo a rak lak mai cu si ta. Classic rock and roll cu guitar pakhat lole pahnih( pakhat lead, pakhat rhythm) tin a tlangpi inrakhmang a si. Cun string bass lole ( 1950 thokhnu lam) electric bass guitar, le drum kit hman a rak si vivo.

Rock and roll cu larzet mi tla a si ih khawsak tlanlen nak ah tla mi a neh ngaingai. Hih music style te in movie ah television ah, cuhlei ah lifestyle pawl, fashion, lungput, le ṭongfang tiang hmuhthei le mihip tu ah a rak cang cu si. Anih hin a hnge- te-te a hun nei vivo ve, backbeat timi azia- te hmang a rak si lo mi, tusan ih kan kawk olbik cu “rock music” lole “ rock” ti hi a rak si mai.

Elvis Presley cu Rockabilly timi rock and roll music rak thok tu pakhat a si ve. Anih hi “ King of Rock and Roll” tin rak sim mi cu a rak si.

Elvis Presley

Rock and roll> Tawi famkim ten simfiang nak:

Stylistic origins: Blues, Gospel, Folk music, Country music, Jump blues, Chicago blues,
Swing music, Boogie-woogie, R&B, Doo Wop
Cultural origins: 1940 hrawng, US

Typical instruments: Electric guitar, string bass lole neta lam in cu bass guitar, drums, piano, saxophone( a cancan te ah)

Mainstream popularity: 1950 in zuarkhawng bik mi music lak ah a tel ve,

Derivative forms: Rock, Rockabilly, Pop

Na ruahnak