Biak Sang Nawl a thattu tiih Malay palik ih an zummi cu Chinpa a si

Home » Thuthang » Malaysia » Biak Sang Nawl a thattu tiih Malay palik ih an zummi cu Chinpa a si

By vcth on December 15, 2017.

Hakha khua mi Biak Sang Nawl (Sangpu), kum 35, cu December 11 zinglam ah Malaysia ram, Parek, Malim Nawar ih a umnak a inn ah hriamhma thawn a thi cia in hmu a si.

Malaysia palik pawl in Sangpu a thattu hi Sangpu thawn khankhat ih um Chinmi thotho Lai Kam, kum 50, hi mithattu a si ding tiah an zum.

Lai Kam cu Sangpu thih ihsin a tlan ih tutiang an hmu hrih lo. Malay palik in Pukmah 302 in a hmuh an phuan ih an hawl rero laimi a si.

Sangpu cu Parek ih thingfa cinnak hmun pakhat ih hnatuan a si. Hnatuan an cawlh caan ah KL ah a tlawng. Culai ah Lai Kam cu hnatuan neilo ih um a siih Sangpu in a zangfah ih a boss hnen ah a simsak ih cutin hnatuan a thun.

An um tlangnak thla 1 hrawng a rei ah hi tiih thil a cannak a si. Lai Kam cu Hakha peng Loklung khawmi a si. Hi Lai Kam ih zuk cu Malay palik ih Sangpu ih a upa hnen ah na nau thattu tiih kan zummi tiah an pekmi zuk a si tiah Chin Express in a tar.

Sangpu cu Hakha, Pyidawta veng mi a si. 2010 in Malaysia a thleng zo ih 2013 ah UNHCR card a ngah. CRC le CCF tawlrelnak in Sangpu ih a ruak cu December 14 ah an vui liam zo tiah theih a si.

Na ruahnak