Blogger Hmeltheihternak

Home » V-Tech » Blogger Hmeltheihternak

By vcth on June 18, 2013.

Tulai cu ka man tinten blog ti vek le internet thu lam mallai ka hlet hlai. Cui ka hlethlainak in Blogger.com hi man a nei zet mi thil a si ti ka hmu. Blooger cu free web platform le hosting a si. 1999 ah Evan Williams le Meg Hourihan in an din. 2003 ah google in a lei.
Mitampi cu blogger ihsin sumpai an hawl. Sumpai hawl ti men lawng si lo in wed design mawi zetzet tla an suah thei. Thimnak ah http://www.myanmarcelebrity/ http://www.thithtoolwin.com/,  tvp… tla blogger ih tuahmi an si).
Blogger
Mi tampi in website le Blog a bang aw maw? tiah in sut theu. Blog cu dairy vekin thuthar pawl hmaisa, thu hlun pawl hlo vivo ih tuah a si ih bulpak ruahnak, khualtlawnnak, bulpak paihmi pawl tuahnak ah an hmang tam. Website ti cu mah te domain le hosting thawn tuah a si. Domain cu www.xxxxx.blogspot.com or www.nawebsite.com ti na duh lo le nangmah na duh mi Domain hmin hawl aw la cutin Blogger ah thleng leh thei a si. Web hosting le Domain a zuar tu company an tam zet cumi pawl lakah Hosting hrangah cu http://www.powweb.com/ hi a man a ol zet ih hlei ah duh zat space an pe fawn. Culo dang hosting pawl cu http://www.websitepalcace.com/ tla a tha. Domain cu http://www.godaddy.com/ ah a man a ol cu le a hman tla a nuam.
Blog ziang tin kan tuah ding? Gmail account na nei le cui na gmail account cu hmang thei cih a si. http://www.blogger.com/ ah feh aw la, na gmail account kha signin tuah aw. Cumi na tuah hnu ah blog thulu tivek an lo hril ter ding. Cule blog template na hril tul. Blogger ih an pek mi templete cu duh vek in a mawi lo. HTML le CSS coding thiam lem lo ah cu mawi ten tuah a har. http://btemplates.com/ ah feh aw la free blogger template pawl a um download tuah aw la upload tuah aw(na blog html a thleng aw theh ding, zianghman phan ding a um lo).
Blog cu nangmah na bulpak diary lole record lole na ruahnak, na biazai pawl khawlnak inn ah na hang thei. Cuhlei ah ruahpi tete tla na hlawm thei fawn. Text lawng silo in Zuk le Video tla na upload thei.
Blogger cu google ih ta a si ih nikhat hnu ni kaht an khai sang vivo. Mah te wed hosting le wordpress ti vek hmang hman ah Blogger cu hngil thei a si lo.
Na ruahnak

3 Responses to Blogger Hmeltheihternak

  1. chuangliana   September 25, 2010 at 6:45 am

    blogger ti mi kha ka raksiar ih atha ka ti zet theih kau nak tampi ka ngah ka lung awi zet. zangfah ten ka lo sut sal thei pei maw? website ti mi le blog ti mi hi a hman dan a bang aw maw? website hrangah ziang tin pehpar awk nak an nei? ti mi teh in hlawm thei pei maw? nan hmai ah kunin zangfah ka lo dil a si.

  2. VCTH   September 25, 2010 at 2:32 pm

    Dear ChungKiana,
    Ka lungawi, neta theih duh mi tete a um le tla kan thieh mi a siah cu hlawm ding kan ready ringring ko, hmai ih kun ih zangfah dil a ttul lo, rualpi vekin in ruat sawn aw.

    Website le blog ti hi a bang aw ti thei zik a si. Cuvek in dang lam awnak tla an nei vve thotho.

    Blog timi cu Google ih free an pek mi a si ih hosting 1 Gb space a nei. Cule URL tla kha a pek cia. Blog tuah ding hrangah zinghman sumpai na cem a ttul lo. Cule web design le template tla ready made a um cai. Cui a um cia mi pawl kha blogger platform ih thlun vivo si ko. Content pawl kha lebal tiah an ko. Cucu blog a si. A ol zawng in.

    Website ti cu blog vekin Free Hosting a nei lo. Curuangah nangmah ten Hosting na lei a ttul. A tlangpi thu in web hosting kum 1 ah $100 hrawng a si. Web Hosting company tampi an um. Cule URL hmin tla a nei lo, na lei lo a theih lo blog vekin. Cule HTML code na ngan ciam co a ttul, cumi na code pawl kha hosting ah na host ding ih cu tin "Front Page" mi ih hmuh thei in a lang leh ding. A thiam pawl cu kut rorin notepad ah an mah ten an ngan ttheh. Mihrek khat cu web edit nak Dreamweaver, coffeecup tivek software an hmang.

    Blog tla a lar vivo ih mihrek cu blog style in websesign tuah in mah hostin ih a host tu tla an um ve. Ziangah blog ah tuah lo in an mah ten an host???????? Blog cu blog pakaht ah Description pakhat lawng a nei, VCTH cu description pakhat lawng a nei thei. Nan an mah ten an host a si le cu Post pakhat in description a nei thei ih Search Engine in an hmu thei sawn (google, bing, ask) tvp. Search Engine ihsin visitor tampi an ngan.

    Thu kan net ter pei, ah blog cu free a si, a tuah a ol nan huam zet cu a ttul. Caan pek zet a ttul. Post thiam men fang cu a tawk lo. Website cu mahte hosting a si, Design le a ti thul a har sawn, nan professional a si sawn ve. Space unlimited or na lei tawk na nei. Music, Video, Social Network, tivek site tum pipi na tuah thei.
    Khah le ka cawl hrih ding.

  3. VCTH   September 29, 2010 at 12:40 pm

    Mal lai ka peh bet ding……….
    Blog ti cu Weblog ti ttong fang ihsin a ra mi a siih a san cu Journal or Dairy tinak a si. Blog ti cu website phunkhat a siih amah style dang te a nei mi a si.
    Ca na post le a hlun mi pawl kha a tang lam ah a feh vivo. Blog cu ca siarnak, thuanthu ngannak, bulpak ruahnak ngannak ah a ttha zet mi a si.