Catalan hluttaw in Spain ihsin zalennak lak dingin an vote suak

Home » Thuthang » Leitlun Thuthang » Catalan hluttaw in Spain ihsin zalennak lak dingin an vote suak

By vcth on October 27, 2017.

Catalan hluttaw cun Spain ihsin zalennak lak dingin vote nak an nei ih zalennak lak dingin lam vote in an neh.

Chin ramkhel pu pakhat a simi Pu No Than Kap cun, “Catalonia Parliament in Spain ihsin suak in Independence an duh thu an puang dumdo. Tui Chin state Hlutdaw in Kawlram ihsin suak in Independence ih um an duh thu puang dumdo sehla, cuvek cekci a si… Rupro men!. Spain cozah cun Art. 155 kalh a si tin an aukio rero,” tiah Chinmi pawl thei olnak dingin a Facebook ah a phuang.

Catalonia hmun ah minung 7,600,000 tluk an um. An khawpi bik cu Barcelona a si. Barcelona cu Spain ram ih khawpibik 2nk le Europe ram ih a tumbik 6nk a si.

Catalonia cu Spain ram ih pursum leilawnnak hmun tthabik a si. Tipi kap tluan ah an um ih Spain ram hmun dang pawl hnak in an sumlut le sumtuah a ttha sawn. Kumkhat ih mipakhat ih an sumlut (GDP) hi $33,580 tluk a si.

Na ruahnak