CBCUSA GS Rev. Dr. Duh Kam mawtaw accident tong

Home » Thuthang » Chin News » CBCUSA GS Rev. Dr. Duh Kam mawtaw accident tong

By vcth on December 7, 2017.

Chin Baptist Churches USA ih General Secretary Rev. Dr. Duh Kam cu December 6, zaan nazi 8:15 ah a tomi Bus Hakha Mann le thilphur mawtaw cu Gangaw zin, Kyaw khua kiangah an pah aw ih hliamhma a tuar tiah theih a si.

Rev. Duh Kam cu Mizoram, Lawngtlai ih International Chin Christian Youth Conference ihsin tlunglam a si.

Accident an ton ihsin minute 15 hrawng cu lungfim lo in a um. Cun Kyaw sizungah fehpi a si.

“CBCUSA GS Rev.Dr. C. Duh Kam cu Lawngtlai an fehnak in an kirlei Hakha in Yangon lam ah Hakha Maan mawtaw in an feh lai ah Pungttawng tlang ah accident an tong. Rev.S. Thawng Hmung te nupa nih Mandalay lei ah an rak ratpi ih tuzing 5:30 am ah Mandalay siizungpi an thleng. A kehlei ban ruh a kiak ih a lu mallai a khawwgmi belte cu a fiang rih lo. A lung cu ttha tein a fim,” tiah Pi Bawi Bik Thawng in a facebook ah a tar.

CBCUSA ih Hakha tong hmang USA ram sung Baptist komkhawm mi pawlkom a siih Kawhhran 98 kom aw mi pawlkom pi an si.

Rev. Dr. C. Duh Kam cu Thantlang Peng Thau khuami a si. Kawlram a um lai ah tlawng saya mallai a rak tuan dah. Cun Bible tlawng a kai ih MIT Yangon in BD a ttheh. 1992 ah USA ah tlawng kai a peh ih Princeton University in PH.D a ttheh. 2004 in Chin Baptist Mission Church in Pastor tuan dingin sawm a siih CBMC ah Senior Pastor cu tusun tiang a tuan. Luterice Memorial Baptist Church, Silver Spring, MD nih 2006 ah Ordination an pek. A tu hi CBCUSA ah EM (Executive Minister) tuan lia a si.

Rev. Dr. Duh Kam cu 2015 ah American Baptist Church USA ih pekmi Suzan Johnson Cook Religious Freedom Award sunloihnak rak co tu a si.

Na ruahnak