Chin pacang pakhat bomb pal ngah ruangah nunnak cem

Home » Thuthang » Chin News » Chin pacang pakhat bomb pal ngah ruangah nunnak cem

By vcth on November 30, 2017.

Paletwa peng, Nga-shia khawmi U Kyaw Ta Aung, kum 25, cu November 28 sun ah lo ah hnatuan dingin an feh lai ah Bomb kammi a pal ngah ih a nunnak a cem tiah theih a si.

Hi bomb kammi cu Arakan Army ih kammi maw, Cozah ralkap ih kammi a si ti cu thei hrih lo a si. U Kyaw Ta Aung cu an khua in peng 3 tluk hlat, an lo ah hnatuan dingin a feh. November 28, zinglam nazi 9:00 hrawngah Bomb kammi cu a pal ngah.

Hi bomb puaknak ruangah a vorh lam ke a hlo. Cutin zinglam nazi 11:00 hrawngah cui hmun ahcun a nunnak a cem.

AA le Cozah ralkap do aw hnu, 2015, hnu in Paletwa pengah bomb kammi a pal ngahtu minung 7 an kim zo ih a tu ah tla kammi bomb tampi a um lai ding tiah zum a si.

Source: Chin State Government News, Khumi Media

Na ruahnak