Chocolate Tlang – Philippines

Home » Hmun Le Hma » Leitlun Hmun Ropi » Chocolate Tlang – Philippines

By vcth on September 9, 2012.

Chocolate tlang cu Lenkolh Tlangbol a si ih Filipin ram, Bohol ramṭhen (tikulh) ih um a si. Chocolate tlang tiih an kawhnak san cu Chocolate bang in hlum teten an um ruangah le ṭhal ah Chocolate rawng ih a can ruangah a si bik ko. Chocolate Tlang ah Lenkolh kom 1500 hrawng an um. Chocolate lenkolh tlang tete cu tikulh ih um an si vekin kan lai lam ih lenkolh pawl vekin an tum lo. Kawlram Bagan lam ih Pura tete thawn hman an bang aw lam.

Hih Lenkolh pawl cu a san lam ah pi 100 in 160 tluk hrawng an si ih a sang bik lenkolh cu pi 390 a si. Fur caan ahcun an hring ih ṭhal caan ahcun hram an ro ruangah a pawl (brown) ah an cang.

Innlai mi pawl (local Filipin pawl) in hi tlang ziang ruangah a cang ti thuanthu an nei. Voikhat ah Vancung Tlangval Arogo a um. Cui vangcung tlangval pa cun lei minu Aloya ti mi a duh. Sinak bang aw lo ruangah co aw thei lo in an um. Nikhat ah Aloya cu a thi ta. Vancung Tlangval Arogo cu a lungleng zuun ngai a celh lo. Nitin tap in khua a san. Cui a mitthli for pawl an khal ih hi tlangbol lenkolh tete ah an cang ti si.

Chocolate tlang cu Filipin ram ih lengtu hiptu hmun hminthang pakhat a si.

Chocolate Hills

Chocolate Tlang Lenkolh

 

[iHsRMY7080k]

Na ruahnak

One Response to Chocolate Tlang – Philippines

  1. salai z te   August 3, 2013 at 1:29 pm

    mitthli tuum tak cu a si dingh.