City Bus sungah tlangval bur in nunau pakhat sualpi

Home » Thuthang » Leitlun Thuthang » City Bus sungah tlangval bur in nunau pakhat sualpi

By vcth on October 23, 2017.

Morocco ram,  Casablanca, City Bus sungah mipa tlangval hoklak bur in kum 26 fala pakhat cu renlozet in a hnipuan thlek in an sualpi. Cui Bus totu midang in run le bom tum lo in an zoh men. 

Tlangval 4 cun bus sung ih to ve fala nu cu an kaihrem. An pom, a hni poan an thlek sak. A pawhte an tham cutin an dek cok.

Cui an pawngsualnak video cu internet ah thehdarh a si ih Leitlun Minu Zalennak Pawlpi in pawngsualtupawl hrempek dingin Morocco cozah hnen ah thu a thehlut. Curuangah Cozah in pawngsualnak ih Hnamhnawih awtu minung 6 pawl cu kai fel.

Fouzia Assouli, head of the Moroccan Federation of the Democratic League of Women’s Rights in, “Pawngsual tuartu nu hi mi farah te a si. A parih thil thlengmi ah duhlozet hman seh, palik hnen ah a va hek ngam lo. Hmutu pawl khal in an bawm ngam lo lawng hman silo palik hnen ih heekpi ih dinpi ding an si. Cuvek an tuah ngamlo ruangah hmutu mipi khal pawngsualtu tluk ih misual an si ve. Hi ram ah a burpi ih pawngsualnak hi a karh deuhdeuh” tin a ti.

2016 ah Morocco ram thotho ah kum 16 fala nu cu mipa 8 in an sualpi. Cuhnu reilo ah cui fala nu cu a mah le mah a that aw.

Morocco ram ih mipa tampi cun a sualpi tu mipa pawl hi sual in a hmu lotu an tam. Social Media ih comment an pek daan ah fala nu sualpit tuar fala nu riangri mawh an phurh sawn. (Morocco World News)

PS: Hi thil hi August 21, 2017 ih cangmi a si.

Na ruahnak