CLD in mai duhnak thupit in Chin party kom aw ding sawm-ngiar

Home » Thuthang » Chin News » CLD in mai duhnak thupit in Chin party kom aw ding sawm-ngiar

By vcth on December 8, 2017.

Chin party pawl party pakhat ih an kom aw ding hi Chin mipi ih hngakhlap bikmi thil pakhat a si. CNDP le CPP lam in party kom aw ding an ready zo nan CLD hngakin an um thu theih a si.

CLD cun December 6-8 tiang Yangon ah Party Conference pi an nei ih cui tonkhawmnak ah Chin Party pawl kom aw ding thu an rel.

CLD cun Chin Party kom aw ding ti tikah Chin party pi a simi CPP le CNDP thawn lawng siloin ZCD, ENDP, ACNP, ZNRDP le KNP pawl tla telh ding an duh.

Cui an duhnak cu thil ttha zet a sinan, tuni tiangah CNDP le CPP siarlo a dang party in ko aw ding thu a relmi zohman an um lo.

CLD in party kom awnak dingah mai duhmi thu an keng cia. Cu pawl tla cu kom awmi Chin party cu UNA ah tel ding, CLD party ih tumtahnak le policy pawl parah hngohsan ding, Party hmin ah Chin National League for Democracy (CNLD) ti ding ti pawl tla an si.

UNA ih tel ding maw NBF maw pawlkom dangah tel ding, Party tumtahmi le Policy, Party hmin ti pawl cu a kom aw dingmi zate lungkimnak ih thutthen cet dingmi a si.

CLD meeting minute 8nk ih an timi hi thuburnak vekih an timi a si ahcun thu khat, relbet vivo thei a si ding.

CLD ih an duhnak ah party dang an lungkim theilo ahcun “Party kom-aw ding kan lungkim lo,” tiah an ti tla a olte.

CLD ih statement zoh tikah Chin party pawl kom aw ding ti hnakin Chin party dangdang CLD ah lut ttheh ding ti thawn a bang aw lo maw? Maw party kom aw ding an duhlo ruangah inn dunglam sangka an rak ong aw cia?

Na ruahnak