Cozah ralkap in Vanzam thar lei bet

Home » Thuthang » Ramsung » Cozah ralkap in Vanzam thar lei bet

By vcth on December 15, 2017.

Myanmar ram cozah ralkap cun Raldonak vanzam thar pawl a lei bet ih Myanmar Air Force kum 70 kimnak ah hmuhnak an nei.

A lei thar vanzam pawl tla cu YAK-130 vanzam 6, ATR-42 vanzam pahnih, thilphur/kuatnak Fokker 70 vanzaam pahnih tla an si.

Myanmar ralkap bawibik General Min Aung Hlaing tla December 15 zinglam Myanmar Air Force kum 70 kim sunloihnak Mikthila Vanzam ralkap tlawng ah a va telpi tiah theih a si.

Yak-130 vanzam pakhat ah USD 15 million tluk a si. Yak-130 cu Russia tuah raldonak vanzam a siih nazi pakhat ah 1,060 km cak in a zam thei. ART-42 vanzam pakhat ah USD million 20 tluk a si. Fokker-70 tla vanzam pakhat ah USD 20 million tluk a si.

Myanmar Air Force in vanzam 250 tluk a nei. Vanzam an cah laimi hi 70 tluk a um bet fawn. A neimi vanzam 250 lakah Tuluk tuah vanzam 75 hrawng a siih Russia tuah 55 tluk a si.

Na ruahnak