CPP le CNP Kom Aw Ti Thu, Thuphan A Si

Home » Thuthang » Chin News » CPP le CNP Kom Aw Ti Thu, Thuphan A Si

By vcth on November 26, 2013.

CNP le CPP

Chin National Conference November 15, 2013 ih CNP le CPP kom aw in party pakhat, Chin National Prograssive Party (CNPP), din a si ti thu cu cohlan theih ngaingai lo mi thu a si. Ziangah tile CPP palai pawl CNP thawn kom aw ding thu a reltu pawl ih thuphur cu CPP CEC ih thusuah siloin mai duhnak lawng a si ruangah party 2 an kom aw ti thei a si lo.

CPP hotu Pu No Than Kap cun, “CPP le CNP CEC veve remtipinak le theihpinak tel loin tuah mi a si ruangah an komaw ti theih a si lo,” tiah Lailun Media ih thusutnak ah a sim.

Tu ni tiang CPP ṭunghmun zetin a um ringring lai, curuangah CPP le CNP an kom aw ti mi thu cu thuphan a si.

Himi thu ah CPP le CNP an kom aw ti hnakin CNP kha CNPP tiah party hmin an thleng ti sehla a dik deuh ding.

Na ruahnak

4 Responses to CPP le CNP Kom Aw Ti Thu, Thuphan A Si

  1. Ma Mang   November 26, 2013 at 1:28 pm

    Thuphan maw a rak si?????????????? Kom aw ko hai sehla mipi duhdan tla a si nan lo maw ti? Cucu ziangtikah an kom aw thei ding? Tufang hotu lubik veve pawl an hloh thluh hnu lawngah an kom aw thei ding tinak si maw? a rei lai ding ual cucu…..an kom aw thei hlan cu Chin ram ah Chinmi in cozah uknak Lal tohkham a luah thei dah lo ding an ti si lo maw? poi dan cu….. Kom aw zang hai seh law…..

  2. zungcer   November 27, 2013 at 3:04 am

    CNP leh CPP an kawm aw ti cu si lo nan, CPP party ih hrekkhat cu CNP he an kawm aw zo. kawm aw duh lo No Than kap party CPP hrekkhat an awm lai ruangah CPP leh CNP an kawm ti thei cu si lo. Cui ruangah CNP cu CNPP tiin nam hnget thei si hrih lo. An za ten kawm aw thei cu si se la tha zet ding nan Nothan kap…. no than kap… a poi tak zet si No than kap hi..

  3. E. Benjamin   December 1, 2013 at 7:54 pm

    Diknak, dingfelnak le rinumnak tel lo ih thil ttha tuah tum cu a tluang lo, rei a daih lo.
    Bawi Jesuh hman a thluntu 12 lakih mi pakhat in a phiar a si kha! A phiartu ih tumtahnak
    si lo in A Pa, Pathian ih lairel sawn in a si kha thil a feh leh. CPP cu khami kan Chinram
    khualipi Hakha ih Chin National Confrence ah lung thiang ten Party hmin cun an tel lo ding
    nan bulpak cun zokhal tel a theih, ticu hlanpi ih sin theih cia si. Mai thluak khal ih tlin vak lo
    thil tuah hniaihniai cu tthanak hnakcun buainak a suahpi duh a si hi! Ngal cang le Lu cang cu
    komaw seh le kan cahphah mahnaa, mai ke ih mai lu sit huam kan um ah cun kan cem.