Daihnak thleng seh

Home » Cahram » Daihnak thleng seh

By vcth on January 31, 2016.

Francis Cung Bik

Putar pa

Voikhat ah Cozah hnaṭuan pinsin Putar pakhat cu Phunsangtlawng pakhat kiangah a ṭhawn aw. Tlawngta tlangval huatsuak hoklak burkhat cu tlawng ṭum tinten putar pa inn kiang ihsin hnawmpung pawl, pungsia pawl nazi hret sung hrawng an tum sak ringring. Tlangval pawl cu putar pa an hnaihnok ngah mi kha nuam an ti zet. Cuntin tlawng ṭum tinten an tuah, thlakhat lai a si thlang.

Putar pa tla cun pakhat khat ka tuah a cu tiah a ruat. Voikhat cu tlangval pawl tong dingin a timtuah. Putar pa cun tlawngval pawl hnenah, “Hey, val le uh, nan ti ṭha nasa. Nan pung tum mi awn ngai nuam ka ti zet. Kei tla ka tlangval lai ih ka paih bik mi cu hi vek a si. Curuangah nazi pakhat $5 ka lo pe ding. Zangfah ten nan tlawng ṭum tinten in tum sak uh,” tiah a ti.

Tlangval pawl cu an lungawi zet. Zarhkhat a rei hnu ah Putar pa cun, “val le uh ka pinsin ka khop kham nawn lo, ka fa le pawl in le peisa in kuat nawn lo. Curuangah nazi pakhat ah pia 50 lawng ka lo pe thei ding,” tiah a ti. Tlangval pawl an hotu pa cun thinheng nawn in, “ziang vekah ha in neih, nazi pakhat pia 50 hlawh ti cu, kan caan cem meimei, hih hna kan ṭuan lamlam nawn lo ding,” tiah a ti.

Cuticun putar pa cu thawnvang um lo in dai ten a um thei pan lo maw.

Ronmi: Let there be peace, Gentle Spaces News

Na ruahnak