Dawie Project

Home » Cahram » Theihkauhnak » Dawie Project

By vcth on February 23, 2011.

Van Cung Lian

Thuhmaihruai

“Tu nai te Ram uk awk nak hril nak le kan pi Su Kyi an suah hnu in kawl ram thu hi lei tlung tlun din hmun ah hmum ding a um nawn lo. Ram hril awk nak an tuah lai fang hrawng ah thu thang dang a um mi cu Kawl cozah le Thailand co zah an pa hnin lung kim in Lei lung tlun ih a tum bik lam pa khat a si ve ding mi Ports , Dawei ah sak ding mi thu hla a si. A tu lai fang ih Dawi Coast Line hi cu nga sio tu pawl ti lo cu ziang dang ah an hmang lo. A si nan hi mi vut nel le thing kung pawl cu Lawng Colh Nak, FACOTY, REFINERIES le COAL BURNING PLANT pawl thawn a khat ding. Mi tam pi nih cun uk hril awk nak a um hnu ah kan ram a tha tlang pei maw tin ruat nak tam pi an nei. Ka ruah nak ah cu hril awk nak hnak in Dawei Projects nih in kan ram tam pi a ti tha sawn ding tin ka hmu”.

Dawei Project

Dawei Project ih an sak tum mi pawl cu Lawng Colh Nak (Deep-sea-Port), Meisa Pek Nak (Power Station), Lamzin thar Thailand thawn peh tlaih aw nak ding pawl an tel. Himi lawng colh nak in cun kum khat ah 100million METRIC TONNES thil ri pawl a lut suak thei ding, 8 lane HIGHWAY le tlang leng zin Dawei ih sin BangKok tiang a sau lam peng 102 leng lo sak ding ti mi thu hla pawl a tel. Himi lam zin cu Thailand ih sin Cambodia le Vietnam tiang pah tlang leh ding mi thu hla pawl an rak sim. POWER STATION cun meisa tha 4.Megawatt a suah thei ding ih Thailand ah direct in electric a pek thei ding. Cumi tlun ah Tidai Retnak (DAM) le Ti dai thian fai nak pawl sak tum nak an nei.

INDUSTRIAL ESTATE sung ah cun Steel Mill, FERTILISER PLANT le zi nan thian fai nak, lawng sak nak le rem nak hmun pawl an sak tum. Zinan le Gas line khal sak bet an tum lam zin le tlang leng zin kiang ah phum an tum. Neh hnu lam ah Tourist pawl rak nak ding Hotel le a dang dang pawl kha an sak tum.

An sim dan ah himi project ih ngah mi a hlawk nak pawl cu Myanmar le Thai co zoh ih an then aw ding tin a sak tu ding Company Italian – Thai company in a phuang. Sihman she la a thu thuk ngai ngai cu thei theih a si hrih lo.

Ziangah Thailand a Zin a suah

U.S zinan company Cheveon le France zinan company ih a sak rero lai mi Yadana project ih sun kawl ram in Thai hnen ah zi nan le gas pawl tam pi a zuar rero zo. Kan dung kum sung ih a zuar mi lawng hman ah $4 billion a kim ding tin an khant hman. Himi hlei ah Dawei Project an theh a si ah cun Electric, Gas le zinan pawl cu tam pi a lak bet tum. Thailand ram sung ah Pollution law ti mi hi cozah in ah STRICT tuk tik ah Thailand ah hi INDUSTRIAL hi an duh vek in an karh ter thei lo. Power ngah ding ah khial kan khang tul, Gas, Oil maw Coal (lung dum), himi pawl kan khang tik ah environment a siat thei ti cu mi tam sawn kan thei cia mi a si in ka zum. Ram tin kim ah Environment law ti mi an nei thluh nan kawl ram ah cu hi vek dan a um lo ruang ah duh duh in Thailand le ramdang company in thil an sak thei. Thailand hrang ah cun kawlram ah hi vek dan a um lo tik ah a harng ah opportunity tha tuk mi pa khat a si.

Himi project hi lei lung tlun lawng feh in thil zuar/ kuat awk nak khat ah tam pi a that hnem pi ding. Dawei ih sin Europe, India cun South East Asia lam pawl lam zin tawi deuh in lawng pawl a feh thei ding tik ah a man a ol deuh ding. Lam zin a tawi deuh tik ah lawng feh nak ding zinan pawl si seh, mi nung hna tuan nak can si seh a mal deuh tik ah a man tla a ol deuh cule envivonment hrnag ah tla a tha ding a si tin Newyork times nih cu a tar lang.

Tu fang ih lawng a line cu china, Vietnam le combodia lam ih thil an phur ih Malacca strait (Malay le Indo) kar lak in an rak suah pi ih India, Europe ih thil kuat awk a si. Dawei a theh a si ah cun himi zin hmang tul nawn lo ding tik ah lam zin a tawi deuh ding.

Hi mi project hi company tum tam pi in an duh nak an tar lang a si tin thu thang kan thei. Asia ih company tum bik pawl PTTplc (Thailand top energy firm), Siam Cement Group le Japanese Stell Company pawl nih cun hi mi project ah an invent tum tin news kan siar thei. Thailand bank pa khat in cu a co zah ruang ah project cu ka fund thei lo ding tin a tar lang.

Himi project a sak tu ding ah tuan vo a lak tu ding cu Italian-Thai company a si ih kum hra sung ah a sak theh an tum. Project cu phase pa thum in an then.

Kawlram ih Hlawknak

Ram dang ih sin kan siar thei mi thu thang pawl ah hi mi project ih sin kawl ram nih ziang hlawk nak a ngah ding timi hi a rel lam lo. A sin an hi vek project tum pi kan ram ih a um tik ah hna tam pi a um ding, local mi pawl hrawng ah business opportuniy tam pi a um ding. Tu hnu kum ngah sung ah Italian – Thai company cun mi nung a thawng thawng in kan tul ding a si tin a phuang. Engineer mino tete khal in himi project ih sin zir nak tam pi kan ngah thei ding. Kawl ram le Thailand zin a talng a si ah cu kan ram si pua yi a tha sin sin ding, trade zam rang le smooth zet in tuah thei a si ah cun thil man tla a tlak deuh ding. Mi tam pi in cun hi mi project cu za pi hrang ah a tha mi a si tin an hmu cio.

Hmai lam ah himi Dawei port cu lei lung tlun thil kuat/zuar awk ah hmun pi a si lai ding cu ruah nak a um. Dawei ih sin China le South East Asia ah lamzin tuah in trade nak, Dawei ih sin India le Europe pawl trade awk nak tuah theih a si ding.

Hi mi sak nak ding ah khua le hmun pawl a tul tik ah a tu fang ih a um mi mipi pawl cu an tuar zet ding a si tin research pawl nih cun ah sim. Kawlram cun kan theih vek in dawi awk hluah hlo a si men tik ah himi khua pi pawl hrang ah cun an in le lo an sung lo hman ah man ol len an zuar tul mi cu thin nuam lo cu a si. Thu thang ah cu Burmese Logging company pawl a si mi Kaung Myat Co. Ltd le Hein Yadana cun 2500 acres lai lo pawl cu an rak tein thluh in Karen researcher pawl cun a phuang. Himi khua pi pawl cun COMPENSENTAION ngah lo in a dang ih an tlan tul thu hlaw pawl tla a phuang.

Ziang ruang ah Dawei ah hrih ti le cu a ti dai a thuk tik ah lawng tum pi pi pawl an cawl thei. Dawei hmai ih Kyun pawl Maung Magan le North Kyun pawl hin thli a kham tik ah thli hrang le wave pawl a effects a mal. Cuhlei ah a lei a rawn tik ah Industrial estate pawl sak nak ding ah a ol. A thu pi bik cu kawl ram ih Pollution law le environmental law kan nei lo tik ah ram dang pawl hrang ah a aman a mal in a hnai hnok lo.

Ruahnak Bur

Himi Dawei project nih cun kawlram pi tam pi a thleng ding cu theih cia a si ko. ASEAN ram pawl thawn peh tlaih awk nak a tha sin sin tik ah cu kan ram Economic a tha ding, economoy a thal le cu mipi tla kan nun a nuam thei deuh ding. Mi hrek khat pawl cu an ram le an lo ih sin dawi an tuar ko ding nan an mah hrang ah khat himi project in an nun nak a thleng khal a si thei. Ka mang bang mi pa khat cu himi project an tuah ding an ti tik ah ziang a tar lang ti le cu UN ih Sanction effective a um lo zia a tar lang. Kan theih cia vek in zinag vek uk tu kan si khat le an hlawk nak ding a si ah cun ziang hmag an care lo ti hi a lang. ziang khal si le himi project cu pi an theh an cun kan ram cu a tit hang so na sa ding ti cu zo cio ih zum mi a si.

Mirang ih Siar Duh Hrang>>>> Click Aw

 

Na ruahnak