Dawtnak Lem ih Rah

Home » Cahram » Dawtnak Lem ih Rah

By vcth on December 7, 2013.

Naunaute (LL.B)

A hmaisabik ah Pangpar cu a bob, cun a mum. Cule hnahkhat hnu hnahkhat a parh ih a par. Cui’ caan ah a tizu zuuk duh ah khuai pawl in an tlan, an fem. Cucu a dan kel te a si.

Fimkhur deuh ih mah le mah kilkhawi thei ahcu a ṭha tuk. Culoih vansiat ah ka lo duh, ka lo uar, ka lo ṭhit ding tin bum tuarnak ruangah pumpek aw, a dang lam deuh in kan sim sile i ṭhit ding ti zum ruangih pumpek aw hnu ṭhit duh sal lo ih um. Cumi pawl cu upade in ziangtin a ti. Asilole ziang ti’n a bawn thei.

1967 hlanah hi thu pawl cu ṭayamahmuh sung lawngah a tel thei an rak ti. Curuangah a nunau in cawhkuan lawng a dil thei an rak ti. 1967 hnu ah hi bang mibum pawl ruangah nunau an sungtuk ti’n thu an rak suah. Mibum an si ngaingai maw si ngaingai lo thu ah Daan mifim pawl karlak ah thu el awnak tampi a rak suak. 1972 kum ah Mg Than Tun le Union of Myanmar(1972 kum.Head Quarter 23) zapi thurelnak ih an relcet mi cu:

“Union of Myanmar Daan 415 ih a thu pahnihnak sungah (a) sual tuahtu pa in mi pakhatkhat a bum(b) bum tuartu nu/pa in thil pakhatkhat a tuah asi lole tuah lo in a um (c) bum tuar lo sehla cu mi nu/pa in cui’ thil cu a tuah lo ding asi lole tuah lo in a um lo ding (d) sual tuahtu pa in cu nu/pa kha zum ko a tuah (e) cu nu/pa ih ruangah taksa siseh, thinlung siseh, thilri siseh a siatsuah ter thei. A par lam ih (e) sung ah thilri lawng siloin taksa, thinlung pakhatkhat a siatsuah asile mibum asi ti si. Curuangah mibum thuah thilri lawng tel thei timi cu lungkim thei asilo ti’n an ti. (Ahlan ah thilri bum lawng mibum an rak ti ruangah cutiih an ti nak cu a si)

Tihsual Daan (Criminal Act Law) 415 thawn mibum asile silo thu an ṭhen tikah a par lam ih thu (5) thawn a milh aw a tul. A milh aw maw milh aw lo ti mi cu an thu buai parih feh daan in thu ṭhen ding a si. Cun nunau fa a vun ah siseh vun lo ah siseh thleidannak a um lo ti’n an ruat. Ziangah tile ka lo ṭhit ding ti’n bum a tuar ruangah a zum ih a pum a pek aw. Curuangah nunau nu fa a vun khal siseh, vun lo khal siseh, taksa, thinlung ah siatsuahnak a um zo timi cu zum lo ding thu a um lo. Mipa pakhat in nunau pakhat kha ka lo ṭhit ding ti’n a lem ih a sualpi hnu a ṭhit dingah a el a sile Tihsual Daan 417 in mibum a si ti’n thu an rel cet.

Cun Upade lamih mifim ṭhaṭha kan nei mi nu le pa pawl khalin nan rauhnak le theihnak in hlawm ve uh ti ka lo sawm duh fawn. Mipi khal in upade ka thei a ṭul zet. Kan ram kan ṭhangso ter duh ngaingai ahcun upade ka thei a tul. Culawngah kan ram kan miphun lakah pangpar mawi tete an par thei ding.

Abstract-Art1

Na ruahnak