Democracy 2

Home » Cahram » Theihkauhnak » Democracy 2

By vcth on January 25, 2014.

Vote

Lungbawk brother

Mitamsawn ih Thuneihnak leh Mimal pianpi canpual (Covo)

Mitamsawn ih thuneihnak kan vun rel hnu ah mimal humhimnak leh mimalsawn ih neihmi canpual pawl humhim asi vun ti hi a kalhaw mi thil a bang. Sihman sehla, thungai zet ih kan vun zoh asile hi pahnih hi democracy hmangtu kumpi ih an hrampi kai hngettu zin le dan asi sawn.

Mitamsawn ih thuneihnak timi cu kumpi tuahṭhatnak leh senpi vantlang hrang ih thuthluknak tuah asi tikah mitamsawn ih duhnak vekin tuah mi ti can asi. Mi nekrawknak, hremphah ih ukawknak, asilo. Ziangah ti le, mitam sawn in mimalsawn tlun ah siseh, milian in mifarah tlun ah siseh, micak in mi caklo tlun ah siseh tvk… a/an duhduh ih hrem theinak (rights) an nei lo. Democracy ah zo vek mibuur um khawm, milian sungkua, cozah hnaṭuan, tvp in mimalsawn leh mifarah, zonzai pawl ih canpual leh zalennak pawl cu laksak theih asilo.

Cuih hlei ah, hnam fate ruangah siseh, biaknak dang lam ruangah siseh, umnak khuaram dang ruangah siseh, sumsaw neih mal asilo le farah ruangah siseh, Cozah hnaṭuan lo ruangah siseh, mimalsawn an si khal le zo vek cozah, mitamsawn, milian, micak leh hrilawknak ih thlantlinmi (Cozah kai lai) pawl khal in, an neih mi milai canpual cu laksak thei an silo.

Milai pianpi canpual cu len ruang leh cah ruangah neih asilo ih zovek milai khal in an neih mi asi sawn ti hi democracy ukawknak cun a fehpi mi asi.

Milai pianpi canpual timi umzia cu, duhnak vek ih sim leh phuang theinak, zalen zetin mai duh mi sakhua biak theinak, mai duh mi zumtheinak leh rualrante’n dan hnuai ih kilhimawknak, pawlkom din theinak, duhlo khal le duhlonak lang ter theinak leh zo vek milai khal a mai duhmi tuahṭuan theinak pawl cu hih (democratic government) uknak hnuai ah zalen zetin tuah thei din thei tinak asi.

Mimal tete khal in an canpual leh si-nak hrang ah kumpi in za ah za a dinpi ding asi timi an zum a ṭul. Cu hnu lawngah cozah thuthawn pehpar in tel duhnak thinlung, telṭulnak san, tel theinak caanṭha hawl duhnak, an nei ding a si.

Democracies pawl cun mimalsawn ih an hnam sinak, nunphung leh calai leh mimal ruahnak, zalen zetin sakhua biaknak pawl an nei theinak dingah humhalh sak hi an ṭuanvo tumpi asi timi hi an fehpi fawn.

Ziang ruangah tile, hnam fate pawl ih, miphun sinak, dan le dun an neihmi pawl, danglamnak tete an neih mi pawl hin acozah pi hrang ah hnget tertu leh cahnak sawn asi ti a pom sak ih hlei ah hih hnam nauta pawlkom hin rampi cahnak hrang ah siattertu silo in tungding tu sawn ti ah a ruat.

Democracy uknak dan vekin zawiawi awknak, thuel awknak, leh mai duhzawng ih thil a fehlo can ih ṭhumawk theinak pawl hin a tlun ih kan simmi mitamsawn thuneihnak leh mimal canpual pawl cu a khaikhawm asi.

Na ruahnak