Democracy 8

Home » Cahram » Democracy 8

By vcth on August 22, 2010.

Lungbawk brother

Milai pianpi canpual (Human Rights)

Milai hmuahhmuah in zo hman ih laksak thei lo mi milai pianpi canpual kan nei. Himi pianpi canpual cun kan milai pi ih hmaizahmi si thei ding zuamnak in neih ter. Cun, kan pianpi canpual cu cozah ih pek mi men a si lo ih, kan suahpi mi a si. Curuangah, cozah in laksak sawn lo in in humhim sak sawn ding an si.

Zalennak timi cu dingfelnak, zawi-awiawk theinak, le upat awknak pawl tlunah a ṭhum aw mi a si vekin, biaknak le phun hnamdang sinak ruang le political pawlkom le zumnak dang neih ruangah thleidannak umlo in rual ran te’n covo nei thluh ding kan si. Ralkap uknak ram ahcun himi milai canpual pawl cu neih an siang lo ih, a sinan a zalen mi ram ah cu milai pianpi canpual nei thluh tengteng ding in an zuam.

Milai covo pawl cu khat le khat parah hngat aw in thleidan theih lo mi an si. Milai pawl ih pawlkom awknak, politic tuahnak le pursum leilawnnak lam pawl tiang a zate’n an huap ṭheh. Cu pawl lakih mi tam sawn in milai pianpi canpual ti-ih an pom tlangmi pawl cu:

1. Zovek mi lai khal in amah te’n ruahnak a nei thei ih a ruahnak cu zalen zetin a phaung suak thei. A zalen mi khawtlang ahcun ruahnak thawhkhawmnak hmunpi an nei ih mipi pawl an ruahnak, a sia a ṭha, zalen zetin suah khawm in rel tlangnak an nei ṭheu.

2. Zovek milai khal Cozah thawn a pehpar mi ah tel theinak an nei ding a si. Cun, Cozah khal in milai pianpi canpual pawl humhim tu ding dan a neih a ṭul ih Justice system in cuih daan pawl cu mipi in an thlun theinak ding in leh bangrep te’n daan hnuai ah zoh an si nak ding hrang ṭuanvo a rak la ding.

3. Uktu a cozah dokalhtu, phunhnam fate pawl le thil sual tuahtu pawl tiang in (An sual a si ti theihfiang hlanah), sualnak umlo le a san umlo ih kaih, thawngthlak, le hremnak lak ihsin zalennak an nei. Cu vek zalennak neih thei mi kha, milai zovek khal in pianpi canpual an nei thluh kan ti duhsannak pawl cu a si. Cozah kuttang ih ṭuantu palik pawl khal in rammi pawl kha upat ṭihzahnak thawn a pawlkom ding a si, cucu cozah dan khal a si fawn.

Phunhnam fate-te tampi umnak ram ahcun, biaknak le nunphung hi zalen zetin hman theinak a um a ṭul. Ziangtluk in a fate mi hnam an si khal le zalen zet in an ṭong hman theinak, an pupa daan pawl humhualh theinak an nei a si.

A thupi zet mi cu, mipum tambik a si mi pawl in phunhnam fate pawl ih biaknak le nunphung, cin le daan pawl kha hnaihnoknak pek lo in zalen zet in neihter hmanter ding an si. Cu tiin, cozah pi khal in hih phunhnam fate te pawl ih an neih thei mi biaknak pawl le nunphung pawl kha a cohlang sak a ṭul ve. Khatlam ah, mitam sawn a si mi phunhnam dang pawl ih duhnak khal a theihsak thotho a ṭul.

Zovek milai khal in hnaṭuan theinak, pumcawmnak hawl theinak le an sung leh khat bawm theinak pawl cu hnaihnawknak um lo in nei ding an si.

Ram mi sungah, nauhak pawl hi a hleice ih zohkhen an ṭul. Ca nganthiam le siarthiam dinhmun an si thei tiang le harhdamnak hrang ah rawl ṭha le siṭha ei thei dinhmun an thlen tiang tal cozah in a ṭanpi a ṭul.

Ramsung ah milai pianpi canpual a um theinak ding ahcun, a zalen mi ram pawl ah mipi cu an hna an thong ringring a ṭul ve. Mipi ṭuanvo a si mi, cozah thawn pehparmi ih an telnak le khawtlang hrang ih an ṭuanvenak ruangah cozah cu mipi hrangah riantu ṭha dinhmun in a um thei ringring. Zalen mi ram cu human right kilhimnak ah hma a la a si. An hmalaknak cu ram dangdang thawn milai pianpi covo kilhim ding in lungkim tlangnak le thukamnak tuah in an hngetkhoh ter.

Na ruahnak