Dingfelnak Karbak

Home » Cahram » Dingfelnak Karbak

By vcth on September 22, 2010.

Francis Cung Bik

Kan nauhak lai ka Sayapa pakhat in dingfelnak hmuh na duh le na kiang ah hawl hlah aw, nangmah in tuah aw in ti. Cui a ti mi cu ka thinlung sungah a rung suak dukdi. Caan tampi ah dingfelnak thawn pehpar aw mi sermon, thusim tampi ka ngai ngah. Keimah tla in voiziang maw zat ka sim. Keimah le keimah tu ah thu ka sut aw sal mi cu dingfelnak um seh ti ka saduhthah vekin keimah in cui dingfelnak hrangah ziangtluk in pum ka pek aw?

Dingfelnak cui khoi nah khal ah a har. Kan Laitlang ah siseh, kawlram ah siseh,ṭhangso mi ram pawl ah tla siseh hmuh ding a mal vivo ko. Dingfelnak kan ti tikah a ral khat ih a um mi tluksaitnak (dingfel lonak) ka zoh cih a ṭul. Tluksiatnak ti ṭongfang cu nucan ziaza le zatlang nun thawn a pehpar aw. Cui tluksiatnak cu theih cing ih kan pahbal caan a um vekin thei aw lo ih kan tuah ngah caan tla a um ve.Dingfelnak in:1. kan bulpak nun a khai sang. Phundang deuh in kan sim le thlausuah donnak zin mi a sial sak. Dingfelnak raungah rinsannak kan ngah. Dingfelnak ruangah mi in in zum, hnaṭuannak ah siseh, pursumnak ah siseh hlawhtlinnak lamzin a on vivo.

2. Dingfelnak cu mah bulpak hrang lawng si loin innsungsang a nuam ter, kiang le kap innhnen veng pa thawn pehtlaihnak a hahdam ter fawn, khua le ram daihnak le senpi vantlang ṭhansonak lamzin a on tu ah a cang.

3. Dingfelnak cu Pathian ih duhmi le Pathian ih sinak tla a si. Pathian ih a sinak cu Famkimnak a siih cui a Famkimnak cu a sersiammi milai/laimi pawl hnen ah in hlawm ve, a tlamtling mi nun ngah thei ding in.

Khah le Dingfehnak tuah zuam uh si. Hmun hla pi le thulu tumpi ruat duh hrih hlah, kan laitlangpi thlengaw ter ding le leitlunpi diahnak, remnak a khat theinak ding tum hrih hlah aw. Na bulpak nun midingfel si ding le kiang le kap, innsang ih ṭihzah upat ding zuam sawn aw. Cutin karkhat hnu karkhat a thuknak lam kan pan vivo lo kem.

 

Na ruahnak