Dinhmun

Home » Cahram » Dinhmun

By vcth on February 27, 2016.

John lsl

Ka nauhak lai-ih ka Sayama pakhat ruangah ‘covo le ṭuanvo’ timi fiangten ka hmusuak.

Tlawngkhaan sung ca in siar ter ṭheu ruangah ka mit a ṭha tuk lo ti a thei. Voikhat cu ka mit zohfel ding in a tawlrel. Mi farah tlawngta nauhak ka bawm tiin mit zohfelnak si-khaan ah i kuat mei lo. Amah thawn thei aw zetmi mit sibawi hnenah a rualpi pakhat dinhmun in i hruai. Ziangbik a tuah tum ti tla ka fiang cuca lo. Pakhatkhat cu a si ko ding tiin thei hair zetin ka hngakhlap rero lai-ah nikhat cu tlawngkhaan sungah ka sayama nih mitkharh mawi te i pek.

“Sayama, ka lak thei lo ding, a man pek ding paisa ka nei lo” tiin ka el. Kan sungsang sumpai lam-ih kan tlasam daan pawl ka sim. “Curuangah ka lo elnak si, i theithiam hram aw” ka ti.

Ka Sayama nih thuanthu tawite pakhat i sim. “Ka nauhak lai-ah kan innhnen te nih mitkharh pakhat in rak lei sak dah. Ni khatkhat ah keimah vek-ih a ṭulsammi nauhak pakhat hrang mitkharh lei sak sal in a man ka pek leh hngai ding tiin ka lung sung in thu ka rak tiam awk. Curuangah tu ka lo pek mi mikharh ih a man cu na suak hlan ah ka innhnen te nih an lo rak pek sak zo” i ti.

Cule zohnen hman-ih ka ngah dah kel lomi cohlangnak awkam thawn “ Nikhat ni ah nang tla a ṭulsam mi nauhak pakhat hrangah mitkharh na lei sak leh ding sokhaw” tiah i ti.

Bommi le pe cop ṭulmi tiin i hmu sawn loin mi a bawmtu ding, mi hrangih va ṭhahnemtu ding tiah i hmu sawn. Amah vek-ih thilṭha tuahtu ding dinhmun ah i ret.

Khaan sung in ka suak, mitkhart cu ka kut sungah ka huum, mi farah bawn tuarmi dinhmun si loin ṭhatnak tuahtu dingih thlahmi palai vekin, Thatho zetmi kekar thawn…

Billie Davis ih Giving and Receiving

Study Kid

Na ruahnak

3 Responses to Dinhmun

  1. James Thang   January 5, 2010 at 3:57 am

    Kan Chinmi zatein hitivek thinlung kan nei theiding a duh um nasa. Pathian in hitivek thinlung nei theidingin kan Chinmi thlawsuah hramseh.

  2. Ei Kim   July 6, 2013 at 8:38 pm

    laimi kan zaten khati vek ruah nak nei seh la yiang tluk a ttha ding, a tu ih kan thin lung cu mi hnen ih sin a lak ih ngah ding refugee minded lawng kan nei ih mah lam ih pek sal duh nak kan nei lk le mi ih bawm cop pek cop si kan tum tla hi poi ka ti… laimi kan zaten kan thin lung khaisang kan cu….

  3. Ee Kim   July 6, 2013 at 9:36 pm

    Johan ti ttha nasa, yiang tin ha, Dinhmun timi na cahram ah “solfa” na bun hngilh ual…

    Ee Kim