Dr. Sui Khar: AA pawl hi Chin ramkulh sungah cangvai ding an silo

Home » Thuthang » Chin News » Dr. Sui Khar: AA pawl hi Chin ramkulh sungah cangvai ding an silo

By vcth on November 13, 2017.

CNF sungtuan Dr. Sui Khar in Rakhine ralkap (AA) pawl hi Chin ramkulh sungah hmun khuarnak, ral lam thawn a pehparmi cangvianak pawl tuah ding an silo tiah a ti.

AA pawl cu November thla thok ihsin Chin ramkulh, Paletwa pengah cozah ralkap thawn nasa zetin an kap aw. AA kut in Chin mi minung 2 an nunnak a cem ih nupi nu 3 hliamhma an tuar. Cun Chin mipi minung 300 lenglo cu mai umnak ah um theilo ih raltlan in hmun dangah an tlan.

CNF sungtuan Pu Sui Khar cun, “thuhla kan zingzoi daanah AA pawl ih kahmi mipi pawl hi cozah ralkap thawn feh tlang tla an silo, anmahten an fehmi a si. Cutiih mipi par tiang kut an thlak cu an roh tuk rori,” tiah a ti.

“2012 ah CNF le cozah remdiahnak lungkimnak kan nei lai ah Chin ramkulh sungah CNF le cozah ralkap lawng um ding ti lungkimnak kan rak nei,” tiah CNF vice Chairman Pu Lian Hmung in a ti.

January thla ih CNF General meetingah CNF lam in AA hnen ah Chin ramkulh sungah cangvainak neilo dingin ca an kuat. Asinan AA lam ih Information tuanvo neitu cun Paletwa cu an hrangah lo theilo ih palkai ttulnak hmun a si ruangah palkai lo in an um thei lo thu simnak a nei.

Arakan Army cu 2009 ih dinmi hriamkai bu a si. An hotu cu Than Myat Naing a si. Arakan Army cu KIA kut sungih um le tthanglian an si. An thok ihsin tuni tiang KIA ramsungah an um. 2015 ihsin Rakhine ram sungah hmun khuar thei an tum. Curungah Paletwa thlanglam le nitlaknak lam, Rakhine ram saklam Bangladesh ramri pawl cu an hrangah hmun thupi zet a si.

Source: 7DayDaily,

Photo Credit @ Van Kio

Na ruahnak