Duhdawtnak Kan Ti Tikah

Home » Cahram » Duhdawtnak Kan Ti Tikah

By vcth on September 10, 2012.

Vietnam Ral tlung ralkap pakhat ih thu a si. Ralram ihsin an ram US a thleng. San Francisco ih um a nu le a pa phone a ko. A nu le pa tla an lungawi ngaingai, fapa ih aw kam thei ti cu. “Ka nu le ka pa, a rei hlan ah inn ka rak tlung ding,’ tiah a ti. A nu le pa tla cun, ‘A rang thei bik in rak tlung aw, kan lo ngai tuk,” an ti. Cu ralkap pa cun, ‘Pakhat te lo dil ka duh, ka rualpa kan inn ah hruai ka duh a ngah kem,” tiah a sut.

“Na rualpi a si ahcun ngah ee, mai fa ih rualpi tete.”

An fapa cun, “Ka lungawi, nan pakhat te lo theih ter ka duh mi cu, ka rualpa cu raldonak ah a kut le a ke a bul,’ tiah a ti.

A nu le pa tla cun, ‘Aw cu ti si ah cu a umnak ding hmun pakhat khat kan hawl sak pei cu, nangmah kha a rang thei bik in rak tlung aw,’ an ti.

Cui ralkap pa cun, “A cang thiam lo, keimah thawn um tengteng a ṭul’ a ti. A pa in, “Ka fa kut ke kim lo mi bang lo pakhat zohkhen ti hi thil ol zet ding ah maw na neih. Kanmah ten buaibai lo ten kan um lai ah hi bang harsatnak cu rak tlun hlah” tiah a ti.

Cun phone a thlak. An fapa cu inn a tlung lo. Ni tawk fang a rei in palik zung ihsin phone a ra. An fapa tiih ruah mi tlangval pakhat inn par in a dawp that thu an sim. A nu le pa tla cu an lau. Cui a cannak hmun ah a rang thei tawp in an feh.

An zoh tikah an fapa a si ngaingai. An theih hrih lo mi thil pakhat an hmu ngah, An fapa a kut le a ke a kim lo ti mi.

Francis Cung Bik

Na ruahnak