Duhnak le Nunnak

Home » Cahram » Duhnak le Nunnak

By vcth on November 24, 2010.

Township judge

Duhdawtnak cu a mit a caw. Duhdawtnak ah Upadi a um lo. Duhnak ih mi, duhtu pawl thawn pehper aw in cu Upadi a um. Sup aw theilonak ruang ih kan hrial thei lo tik ah a um.

Duhnak thinlung a ra suak tikah duhnak pakhat lawng kan thei. Pakhat le pakhat inn sang ding tum lo. Pakhat le pakhat kut sih tum hrih lo nan duh awk tuk ruangah duhnak sung in ral khal an thleng pang theu. Pahnih lung kim cu a si ko. Voi khat, voihnih, voi tampi an pawl aw. Nau an keng. Nau ka keng zo tiah mi pa a sim. Mipa cu thing phang in a um. Neih ding a duh lo. A el. Zonih a tan pi ding? Zo hnen ah bawm nak a dil ding? Zonih bomnak a pe thei?

Ma Nuh ti mi nu cu fala kum 29 mi a si. Ko Kyin White cu Kyaih lat myo, Tazin datpung taih (zuk dawr) nei tu tlang val a si. Ma Nuh cu an inn ih hna tuan bawm tu a si ih thla khat ah 40ks an pek mi nu a si. Cu ti ih inn hna tuan a bawm lai ah Ko Kyin White in ka lo duh, ka lo nei ding tiah a bum lem ih a thup ten nu le pa an um tlang(an pawl aw). Ma Nuh nau a pai hnu thla(5) a si tik ah in thit aw tiah a sim. Cu tik ah tlang val pa in a el lawng si lo in an inn in an doi. Ma Nuh cu harsa mangbang in a um. Rin san ding dang a neih lo ruang ah Palik zung ah a thu a theih lut. Palik zung in palik ih rel thei mi a silo an ti ih Tazazung( Thurelnak zung) aht hu thleh luh ding in an sim tik Kyaih lat tazazung ah a feh ih zung in 1965 kum zazavautkyi a hmuh numbat (22) in an sang.

Cutik ah tazazung in Ma Nuh kha pithmu thu rel dan pukmah (200) vek in an hlekhlai hnu ah Ko Kyin White ah pithmuh puk mah 493 thawn a mil a si an ti ih Ko Kyin White cu an ko. Asinan kyaih lat myo uk thu rel tu pa cu second class power lawng nei tu a si ruangah Phiapung khua, zipeng tazatukyi hnen ah an kuat ih Phiapung zipeng in kyaihlat a pakhatnak tazatukyi(special power) U Thein Maung hnen ah rel ding in thu a pek tik ah cuih zung in 1965 kum zazavuat kyi a hmuh nambat(156) in an sang ih Ma Nuh thu an zingzoi hnu ah a thu theih luh mi cu a hnong sal.

Ma Nuh cu thin bangnak a tong sal lala nan beidong lo in Phiapung section tazatukyi hnen ah a thlen sal thotho. Cu tikah Phiapung zung in 1965 kum pithmuh pin sin hmuh a hmat(88)in an sang ih special power ngah tu U Chit Tin in a rel nan Ma Nuh ih thu cu a hnong sal thotho.

Asinan Ma Nuh cun beidong lo in Rampi tazazizung in a thu rel sak tho tho ding in 1965kum November thla ni 25 ni ah thu a theih lut sal tik ah Rampi tazazungpi in 1966 kum Febuary thla ni 21 ni ah rampi tazatukyi Dr. Mg Mg le U Chit in an rel sal.

Cuih ni ah Ma Nuh zung a ra lo nan a ai wh ah Acozah sihni U Hnih le Ko Kyin White ih aiawh tu sihni U Ba Tan(3) tla in an rel.

Ma Nuh ih thu thehlut mi kan zoh tikah ziang pukmah in in rel sak uh ti a tel lo. Upadi vekin in rel sak uh ti lawng asi. Amah cu Ko Kyin White inn ah lahkhah ngah in hnatuan tu pakhat a si ko Kyin white in ka lo duh. Ka lo nei ding tiah a ti ih nu le pa an pawl aw ih, nau tla 5 a si tik ah inn in an doi, bawm tu a neih lo ruang ah palik zung ah thu a thehlut hnu ah tazazung ah thu a thehlut sal ti a fiang in kan hmu.

Ma Nuh ih thu thehlutnak ah amah cu Ko Kyin White in nu pi ah ka lo nei ding tiah duh thu a sim mi cu Ma Nuh in a zum ruangah a pum a pek. Cu ti in Ko Kyin White in ti lo seh la a pum a pe lo ding asi. Ko Kyin White in Mah Nuh a bum lem tikah ruahnak tha lo nei in a bum lem maw lem lo ti hi felfai zet in zingzoi a tul tiah an rel khawm.

Zazatatkyi pukmah 415 ah Bum ti thu thawn peh aw in phun(2) in an then. A pa (2) nak ah – mi Pakhat in bum lo sehla a tuah lo ding a silo le tuah lo in a um lo ding mi kha tuah ding/tuah lo ding in bum tuar tu kha a bum hrim a si le, a cuih a tuah lonak(a silole) a tuahnak ruangah taksa si seh, thinlung siseh, a sinak siseh, thilri siseh, a siat suah (asilole) thih tuar nak a ngah (asilole) tuarnak a ngah ding ti thei na in a bum a si le cu pa/nu cu mi bum a si tiah a ti.

Curuangah Ma Nuh ih ca thehlut mi cu Phiapung a pakhatnak thu then tu ih a hnon mi cu an siat sal ih Ko Kyin White par ah pithmuh Upadi puk mah (417) in rel sak sal ding in an rel cat sal. Pukmah 417 ah zokhal siseh mi a bum ti a fiang a si le kum khat tiang thawng ah siseh, tangka siseh, a pa hnih in siseh mawh phur nak a tuar ding a si.

Ziang vek caan khal ah Upadi mang in…. Kan pek vevo lai ding

Na ruahnak