Facebook Kum 10 A Kim Ta

Home » V-Tech » Facebook Kum 10 A Kim Ta

By vcth on February 4, 2014.

Leitlun Social Network tumbik facebook cu kum 10 a kim ta.

Facebook cu February 4, 2004 ah Mark Zuckerberg le a rualpi pali Eduardo Saverin, Andrew McCollum, Dustin Moskovitz, Chris Hughes ih dinmi a si.

Facebook ih a man cu $134 billion hrawng a si ding tiah an zum. January thlacem 2014 tiang facebook a hmangtu 1,230 million tluk an um. Leitlun mi 6 ah 1 in facebook account a nei tinak si cu. Leitlun then 3 ih then 2 in Internet  an hmang lo ti si. Internet a hmangtu 2 ah 1 cun facebook an hmang tinak si cu.

Mark Zuckerberg cun tuni a facebiik time line ah, “Facebook kum 10 a kim kan lungawi zet. Miin in sut theu, Facebook hi tuni ih kan hmuh vekin a si ding tiah na ruat maw? Ka rak ruat lamlam lo. Sinan minung pawl in pehtlaihnak kan tul zia cu kan hmu fiang. Harvard ah tlawngta pakhat le pakhat ol-ai ih pehtlaih aw theinak ding hrangah kan rak tuah, cutin leitlunpi tla pehtlaihnak a rak mamawh zet ruangah Facebook hi kum rei lo te ah Leitlun Social Network ih mi hmnagtam bikah a cang.”

“Tuhlan 10 ah thil tampi kan tuah, asinan, a liamcia mi kum 10 hnakin a ra dingmi kum 10 parah ka lung a tur sawn. Tu hnu kum 10 ah leitlun internet hmang theitu tla an tam sinsin ding ka zum. Tuni ah Social Network pawl cu sharing le pehtlaihnak hrang lawng a si, hmailam ahcun thusutnak, an-hei hawlnak pawl a si leh ding. Tusun ah kan hmuhtonmi malte lawng social network in kan hlawm thei, hmailam ah hmuhtonnak a tam sinsin mi hlawm thei dan a um vivo ding.”

“Hih mipi riantu Facebook a sersiamtu lakih pakhat ka si ve cu ka lungawi zet, hmailam ah tuanvo tumpi ka nei sinsin, ka tikcucaan, ka thiamnak zaten Facebook thawn mipi rian dingin ka zuam sinsin ding,” tiah a ti.

Mark Zuckerberg, kum 29, cu Facebook ih CEO le Chairman a si. 2010 Time Magazine ih person of the year ngahtu tla a si. A neihmi $19 billion a si.

Map Of Social Network

Na ruahnak