Fala le Tlangval Karlak ih Theih ṭul Mi Upade

Home » Cahram » Theihkauhnak » Fala le Tlangval Karlak ih Theih ṭul Mi Upade

By vcth on November 12, 2013.

law hammer

Naunaute(LL.B)

Nunau kaihhrem asilole sualpitnak hmun kan zoh tikah innsung innleng a hmum hnih in a cang thei. Innleng lam ih a cang mi pawl kan zoh tikah mipa pawl in an thok tam deuh ti asi. Cuti’n asi tambiknak thuhla pawl cu nunau mah lawng tawivak, zaan ah vakvai, mi um lonak lam ah feh, hnipuan (sinfen) hruk dan felfai lo cu pawl ruang ah a tam bik.

Innsung lam kan zoh tikah mah thawn um tlang mi ih sualpinak le mileng ih sualpitnak tiah phunhnih in kan hmu thei bet. Cucu mah le mah sup aw thei lo pawl, mi bang lo deuh pawl in an tuah tam ti asi. Cui sual tuah tu pawl hrang ah ram tin kim in Upade daan ṭhaṭha an nei cio. Kan kawlram pi khal in Upade daan a nei ve. Kawlram daan cu a tang lam ah kan run tarlang ding ih Upade vek cekci in cu asilo ding. Theih oldeuh ding ih ngan mi sawn asi.
Pukmah 375 ih simfiangnak ah a tanglam thu panga sung ih pakhat khat thawn nunau a sual pi tu mipa cu mi kaihrem lole madding(rape) asi. Pukmah 10 ih simfiangnak ah mipa a ti mi cu upa siseh, nauhak siseh mi pa sinak a neitu pohpoh, nunau a ti mi cu upa siseh, nauhak siseh nunau pohpoh kha asi.

(1)nunau lungkim lo
Pawlawk hlan ah nunau ih lungkimnak ngah ta a ṭul tinak asi. Pawlawk hnu ih lungkimnak ngah cu a ṭang kai lo. (Tiduhnak cu pawlawk hlan ah a lungkim lo asinan pawlawk hnu ah a lungkim sal asi khal ah pawlawk hlan ih lungkim lonak sawn kha laak ding asi.)

A it that lai mi nunau cun lungkimnak a pek thei lo. Curuangah it that mi nunau sual pi tu in a lungkim asi a ti thei si lo. Miaa, mibang lo nunau pawl hnen in lungkimnak lak theih asi lo. Cuvek in mah le mah thei aw lo kop tiang ih a ri mi nunau in a lung a kim a si ti khal in ṭan lak theih a si lo.

(2)Nunau in pek lo(siang lo na cing in)
Nunau taal, el ciam co lo ruang ah a siang ti thei asi lo. Tahṭimnak ah Siibawi in nunau pakhat sii le vai thawn el thei lo ding in a tuah ih a sualpi a sile mading (rape) asi.

(3) Nunau in siang nan
Nunau in a siang nan cu ti ih a siannak kha ‘ka lo that ding,’ asilole ‘ka lo tuahmawh ding,’ ti tahrat in ṭhih ruang ih ṭih ih pek.

(4) Nunau ih ruat saulnak
Nunau in ka pasal asi hmang ti ruang ih pek nak, Mipa in kei cu a pasal ka si lo ti in a thei aw a sile mading asi thotho.

(5) Nunau kum kim lo
Nunau in a siang ah siseh, siang lo ah siseh cuih nunau cu kum 14 tang asile mading asi.

Cuvek ih mi sual pi tu pawl cu pukmah 376 in ṭatet ṭacun (thih hlan lo)
lole thawng kum 10 tiang le tangka cawh bet thei asi. Pukmah 376 in tayacuai dingah a thu pi bik mi cu
(1) nunau thawn a pawl aw ngah
(2) a par lam thu panga ih thu pakhat khat thawn a deng aw

Mading hmuh ah a danglam zet mi cu nupa an si khal ah nunau a lungkim lole mading asi thei ve. Nupa kar lakah khal mading hmuh a um thei.

Na ruahnak

2 Responses to Fala le Tlangval Karlak ih Theih ṭul Mi Upade

  1. STA   November 14, 2013 at 3:32 pm

    “nunua” ti ih ngan mi voi 11 ka hmu. Cumi tongkam hi ziang a si pei? Lungawi…

  2. vcth   November 15, 2013 at 3:30 am

    sorry, nunau ti ding si, ka rak rem lohli ding