Falam ah leimin ruangah inn 6 tthiat bal

Falam, Tlanglo veng thlunta zin Sanyi Ahmat (2) thlen hlan ih inn 6 cu July 13 in a thlanglam leimin in a hnuk ih inn hlum ngam nawn lo in an um. July 15 sun ahcun leikak cu a biasia sinsin ih inn pawl tla thlanglam ah pi 3/4 lai a tla-niam ruangah inn (6) cu innbal tul dinhmun a si.

Inn tthiatmi ttulmi pawl tla cu 1. Pu Tuan Hmung ( UPC), 2. U Sial Hnok (FBC), 3. S/m Iang Cin ( UPC), 4. Pi Tluang Tin Dim (FBC) an siih U Hrang Sel ( GBC) le U Run Ro Thang (FBC) pawl ih inn cu tthait ttil le tullo ding dinhmun zoh hrih a si.

“Tusun cu Biaknak mino, Khuatlang/veng mino, khuangtlang pawlkom CRCDF pawl, meithat zung hnatuan pawl, red cross, palik le ralkap pawl hnatuan bawmtlang khawm in mipum 450/500 hrawng kan suak khawm thei. CRCDF in hnatuantu pawl hrang inti, first aid pawl timtuah saknak kan nei,” tiah CRCDF sungtuan Salai Tluang Lian Hre in CRCDF Facebook group ah a than.

Source: Chin Relief-rehabilitation and Community Development Foundation

Na ruahnak