Falam kiangah Shwe Chintit mawtaw let, mi pakhat thi

 

Falam – Hakha zin, Falam kiang Rih zin pial thlen hlan ah Shwe Chintit mawtaw cu July 12, zaanlam nazi 3:15 ah a let ih mi pakhat a nunnak a cem, mi 5 hliamhma an tuar tiah theih a si.

Hi mawtaw cu cu Falam lan deuh, Rih zin pial thlen hlan kel khat ah zin thlang pi 500 hrawngah a tlak.

Mawtaw par totu minung 6 a si ih Latpanchaung mi Salai Biak Zar cu a hmun ah a nunnak a cem. Salai Biak Za cu Malaysia ihsin Kawlram a tlunnak a rei hlih lo tiah theih a si.

A dang hliamhma a tuartu pawl tla cu U Dat Lian (31), Salai Kham Hre (22) Pi Far Hlei Sung (45) Pu Van Lian Zual (49), Salai Bawi Nawl Thang (30) pawl tla an si. An zaten besia zet dinhmun in Sizung ah an um tiah theih a si.

2013 Aug 1 ah Falam thlen hlan te ah Shwe Chintit mawtaw a rak let ih mi 4 an rak thi.

Source: Chin World, Saya Van Bawi Lian

Na ruahnak