FALAM PENG THU

Home » Cahram » FALAM PENG THU

By vcth on December 29, 2013.

Falam Township Map

by Rev. Biak Cawm

Falam khua

Ṭaisun khua hi Mirang pawlih an rak lak tiang “Fahlam” tiah an rak ti. Mirang pawlin “Falam” tiah an rak ngan ruang ah tuih nitiang “Falam” ti a si dahta. Ṭaisun khawhlun hi a tuih an khua in phalung 4 hla ah a rak um. Mirang pawl in an laksak  tikah cuih khua cu an siatbal ih khua mipawl khal “Fahlam “ ah an can ter.

Mirang Ralkap pawlin 1890 March ni 11 ah Fahlam khua an thleng ih 1891 March 13 ah khua ih nitlaknak saklam peng 1 hla Ngalzawl ah hmun an khuar. 1892 March 13 ah Fahlam cu an long. Fahlam khua cu dodaltu Pu Con Bik khua a si ruangah rallam ah hnangamnak a um loih tuih Falam khawpi umnak hmunah Ralkap umhmun an khuar ih 1892 June thacem ah an thawn. Cuih umhmun an khuarnak hmun cu ralkap um hmun (Sakhan) tiah an ko. Fahlam khawpi cu Ttaisun tiah an kosal. Cuih can laiih Ralbawi cu Col. Browne a siih Lailamram hotu Cu H.N. Tuck a si. Cuih hnuah Falam Ralkap um nak hmun cu Lailam ramuknak hmun ah an karhter ih District khawpi a rong cang.

Falam pengih um phunhnam tinkim pawlin Falam cu Farṭhawk, Tlanglo, Balai, Kipbik, Kala, Katte tiah a phunphun in an ko. Nehhnu lawngah Falam tiah kawh le hman a si.

(Page, 184, 1906-2006 No. 1 BEHS, Centenary Magazin)

Falam peng

Falam penghi North Latitude 22′ 50 minute le 23′ 20 minute, East Longitude 94′ 24 minute le 94′ 80 minute karlakah a um. Nisuah in nitlak ah peng 40 a si ih Saklam in thlanglam peng 25 a si. Square mile 914.87 a kau. Falam peng sungah Uksuh 80 a umih Veng 4 a um. Falam khawpi leh Rihkhawdar khawpi thawn khua 184 a um. Falam khawpi sungah mipum 9010(Paa 4276 le Nuu 4734) a um. Falam peng sungah lailam ih mipum hi 34382 an si. Rihkhawdar Myone ah mipum 6083 an um. Falam peng sungah mipum zaten 49475  a si.

ong hmandaan

Hlawnceu ong hmang khua pawl

Hlawnceu ṭong hmang kan ti tikah Hakha ṭong thawn an bangaw zikte.

Hakha peng lam naih mi khua pawl an si. Cuih ṭong hmangtu khua pawl cu,

1. Thlanrawn  2. New Thlanrawn  3. Rialti  4. Ttaal  5. Tlangzar  6. Ramthlo  7. Doktthek  8. Hrianghnang  9. Rulbu khua pawl an si.

Hualngo ong hmangtu khua pawl

Hualngo ṭong hmangtu pawl hi India, Mizoram naih ih khua pawl an siih Rihkhawdar Myo le kiangkap khua pawlin an hmang. Cuih khua pawl cu,

1. Rihkhawdar Myo 2. Saqawm  3. Conghoih  4. Vangva  5. Khawpichip  6. Doihkhel  7. Siallam  8. Sa-ek 9. Thingcang/Surbung  10. Old Rihkhawdar  11. New Lianhna  12. Haiheng  13. Cawhte 14. Hmunluah 15. Loqharawn  16. Bocung  17. Seipi  18. Hmunqha  19. Lawitlang  20. Mualzawl  an si.

Khualsim ong hmangtu khua pawl

Khualsim ṭong hi Ruun Tivapi anetnak lamih khua pawl in an hmang. Cuih khua pawl cu,

1. Rallawn  2. Tualzeh  3. K. Haimual  4. Tidil  5. Khupleng  6. Vanniam  7. Ngaizam

8. Khawval        9. Thiamṭhi  10. Baila an si.

Lente ong hmangtu khua pawl

Lente ṭong hmangtu khua pawl cu,

1. Ṭhungṭhul  2. Lente  3. Nganzawl  4. Vomtluk  5. Sumhrang khua pawl an si.

Ngawn ong hmangtu khua pawl

Ngawn ṭong hmangtu khua pawl cu Tedim peng naih deuh khua pawl an si. Cuih khua pawl cu,

1. Zawlpi  2. Duhmang  3. Zawnglai  4. Valung  5. Tisen  6. Zawngkong  7. Sialsih  8. Zawlnu                 9. Kelkong  10. Sihtui  11. Vazaang  12. N.Hmunpi  13. Ngamual  14. Suangdo  15. Belawi 16. Khawpual  17. Saihmun  18. Kawlfang 19. Old Lianhna an si.

Ngawn ṭong thawn a bang aw zikte nan a dang deuh mi khua pawl cu,

1. Bualkhaw  2. Phaizawl  3. Khuangmual an si.

Tapong ong hmangtu khua pawl

Tapong ṭong hmangtu khua pawl hi Kalaymyo Motor lamzinpi kiangih khua pawl an si. Cuih khua pawl cu,

1. Parte  2. Kulzam  3. Lati  4. Lungbum  5. Simzawl  6. Faarkhawm an si.

Tapong ṭong thawn bangaw deuh lo bangaw zikte khua pawl an um. Cuih khua pawl cu,

1. Lunghawh  2. Farso  3. Tuphei(Khuaimual) an si.

aisun ong hmangtu khua pawl

Ṭaisun ṭong hmangtu khua pawl cu Falam khawpi ih kiangkap nai deuh khua pawl an si, Cuih khua pawl cu,

1. C.Zamual  2. Congheng  3. Congqhe  4. Qaizawl  5. Qaisun  6. Thanghluang  7. Khumzing  8. Vaar an si.

Zanniat ong hmangtu khua pawl

Zanniat ṭong hmangtu khua pawlhi Ruun Tiva saklam le thlanglam ah an um. Ruun Tivapi sak lam ah, 1. Lumbang  2. Khawlei  3. Hlanzawl khua pawl an si.

Ruun Tiva thlanglam ah,

1. Locom  2. Congkua  3. Lumte 4. Lianrih  5. Hmunli  6. Zultu  7. Tlangphai  8. Meihol  9. Simcing      10. Khitam  11. Ralum  12. Tlortang(Khuanghlum)  13. Tlorzan  14. Zatual  15. Webulah  16. Zalang    17. Kimniang  18. Nimzawl  19. Pamunchawng an si.

Laizo ong hmangtu khua pawl

Laizo ṭong hi a tlangpi thu in Zahau, Laizo, Sim le Lailun-Sunthla pawl in an hmang. Hih hrinhnam pawl cu awsuah daan dang deuh hman sehla kan thei aw theh. Laizo tlangtluan lam deuh khua pawl cu,

1. N/S Thanhniar  2. Laizo  3. Zalai  4. K.Hmunpi  5. Mangkheng  6. Lenhai  7. Zomual  8. Tiphir an si.

Hlawnceu ram lam deuh pawl ah cun,

1. L.Zamual  2. Lungtar  3. Ṭiahdai an si.

Laisung ah,

1. Khawlung  2. Bomba (Dokhar)  3. Zo Dihai  4. Bungzung  5. Uisi  6. Darteti  7. Khuanglung                 8. Airibual  9. Ngalti  10. Cawmpi  11. Khiangrawn  12. Tilum  13. Lumte(Tilum)  14. Auhmun            15. Laizawl  16. Palte  17. Tibual  18. Bualte  19. Bualhrei  20. Tlangzawl  21. Fartlang  22. Zawlte         23. N/O Hmawngkawn  24. Khawthlir  25. Phunte an si.

Lairal ah,

1. Leilet  2. Selawn  3. Singai  4. Tlangkawi  5. Zongte  6. Thipcang  7. Z.Haimual  8. O/N Hnahthial       9. Ngailan an si.

Tlairawn tluanih khua pawl,

1. Tlauhmun  2. Cerhmun  3. Rallang  4. Lianduh  5. Bualzawl  6. Khawsum  7. Lunkhua  8. Ticirh         9. Khuaimual  10. O/N Tili  11. Zathlir  12. Khengkang  13. Khawrua  14. Cangaiva  15. Tlangkhan an si.

Simhrin khua pawl cu,

1. Relsing  2. Hlawnmual  3. Khuangli  4. Sim Dihai  5. Losau  6. Khiangzang  7. Thlancing  8. Congthu  9. Bualmin  10. Cicai  11. Khawdar an si.

Lailun-Sunthla khua pawl cu,

1. Laimual  2. New Sunthla  3. Sunthlapi khua pawl an si.

Khawhlo (Khawraam) pawl

Khualsim ṭong hmangtu pawl an hlo tambik. Cuih khua pawl cu,

1. Khawhlun  2. Haitar  3. Ṭawk  4. Simpi  5. Hmungsum  6. Kuangdon  7. Haitui  8. Lungpi  9. Darbo  10. Murang an si.

Darbo le Murang cu inn hnihkhat an tang. Nunnak hawlih tang deuh an si a ti theih ding.

Sim khua pawl ah,

1. Hrangsawn  2. Khumhmun  3. Thlancing  4. Simzawl  an si. Simzawl khau hi Sim Dihai  khaw kiangah a umih Simkhua ah kan telh. Thlancing khua hi tuahcun inn 1 a um. Khua a pungzai sal ding an tum rero.

Zahau ramah Khaute a hlo. Bualzawl khawlu ah a um dah.

Laizo ramah Tikual a hlo.

Khawhlo mi zatenkom in khaw 16 an si.

Hminthang mi hmunram pawl

Falam peng ah thuanthu neiih hminthang mi Tlang le hmunram pawl an umih zohṭha hminsintlak hmun pawl khal an um. Cumi pawl cu Zinghmuh tlang, Muship tlang le Suurbung tlang pawl an si.

Zinghmuh tlang cu Ramthlo khawlu ah a umih Musip tlang cu Seipi khawlu ah a um. Kan pupa pawlin mithi khaw fehnak an ti.

Suurbung tlang cu Zathlir, Hlawnmual, Relsing le Sunthla ram pawl komkhawm mi a si. Thlangzim hi Hmunrawn nuamtak a si ih Vanzam ṭumnak ding ah an ruahman mi a si.

Hmunram nuam pawl

Hmunram nuam le mawi mi hmunram pawl cu Rihli le Buannel an si. Rihli cu Falam peng lawng siloin Rampi ih theih a si.

Buannel hi lenkolh kaupi 2 a umih “Len nupa” an ti. Tuupi sungah a umih lenkolh ah cun dongkhat hman a kimlo mi hrampi an kho thei. Tedim le Falam peng karlak Hmunluah khawlu ah a um. Kan pupa pawl in mithi khua fehnak an ti. Hih hmunah saram tinkim an rak umih Fala mawizet Cong Tin Ler in a rak khal ṭheu ti a si.

Hminsin tlak deuh pawl

(a) Thlan

Parte khawlu ih pipu thlan-Miruak cu Lungkua sungah an retih a khar a um lo. Tuah ruhreng pawl hmuh ding in a um lai. Ṭhaten an fingkhawi.

Suangdo le Ngamual karlak ih thlan-Ngaw lakah Belrua in ruh pawl an ret ih tam nawn a si. Tuah hmuhtheih ringring a si.

(b) Lungto

Lianrih khawlu ih lung kalauk-lungto a siih kalauk vek in a um.

Ral Thang namsah- Rallawn khawtaw ah a um. Ral Thang hi micak hminthang a siih lungto cu a nam in a sattan . Tuah hmuh ding a um lai.

(c) Lungpuk

Lailun lungpuk – Lailun lungkua an ti ṭheu. Lungṭial puk le Ngentiang puk tiin 2 a um. An lut ṭheu. Lungṭial puk cu pi 328 a thuk.

Lungpi lungkua – Lungpi khawlu ah a um ih an lut ṭheu.

(d) Cozah thiltuah mi pawl

Vaar lilawn – Falam in Kalaymyo Motor lamzin peng 12 a hlatnakih Ruun Tiva Lilawn a si.

Laiva Dam- Falam in Hakha fehnak Motor lamzin ih Tlangzar khawlu ah a um.

(e) Hmunrawn kaubik

Bocung le Khawpual karlakih Fangcang leileh rawn pi a siih ekah 247 a um. Cu cu “Ciak rawn” an ti.

Cicai khawtaw ih Suurrawn khal ekah 300 lenglo kau mi hmunrawnpi a um. 

Hminsin: Falam Youth Conference Manual Book Hrangih ngan mi a si

Na ruahnak

5 Responses to FALAM PENG THU

  1. lal hre luai   December 29, 2013 at 6:58 pm

    Nan titha nasa. Cabute hman ih suah tlak le kan mino zatei siartlak le theihtlak rori asi.

  2. Anonymous   January 2, 2014 at 10:47 pm

    Kan pu Hlawn Ceu hi lailun ih sin Mang Kheng khua ra to a si ii Hlawnceu ttong kan ti tik ah ruah bet ding tampi a um lai ding.

  3. B Than Mawi   January 2, 2014 at 10:53 pm

    Pu Hlawn Ceu hi Lailun ih sin Mang Kheng ra to a si ii Hlawnceu ttong kan ti tik ah ruah bet ding tampi a um lai ding

  4. Benjamin   August 28, 2014 at 5:12 am

    A Kei poh hmanin Sim ram ih Khua pawl an
    Ngan lo tak ka thei hnuaihni, khawrop le
    an si hmun lo. Ron zuam bet uh,ti duutdi
    hlah uh.

  5. Anonymous   December 26, 2016 at 9:37 pm

    Tha NASA