Google Adsense in Sum Hawl Uhsi

Home » V-Tech » Google Adsense in Sum Hawl Uhsi

By vcth on April 12, 2015.

Blog le Website neitu pawl hrangah Google Adsense in sum ngah thei a si. Google Adsense cu leitlun Advertisement Network tumbik a siih 2014 ah Blogger pawl le Website neitu pawl hnen ah tilarnak man $13.6 billion an pek.

Google-Adsense

Google Adsense Ziang a si: Google Adsense cu Contextual Ads a siih Website le Blog neitu pawl ih website le blog thawn a milh aw bikmi Tihlarnak (Ads) pawl automatic in a tar. Size, Text maw zuk, maw text link ti pawl cu mah duhmi hril theih a si.

Adsense cu Google ih ta a siih 2003 ah an thok. Business neitu pawl le product tilar an duhtu pawlin Google Adwords ah peisa an pekih Website le Blog neitu pawl hnen ah Adsense tiin tilar a si.

Ziangtin kan thok ding: Hmaisabik ah Blog lole Website na nei hmaisa a tul. Man pek ṭullo in Blogger.com ah Blog tuah theih a si. (Blogger in blog ziangtin tuah ding ti Hinah ah zoh thei a si >>> Blogger Hmel theih ternak le Blog Tuah Daan)

Blog lole website na nei hnu in na website le na blog thawn Adsense ah apply na tuah pei. Apply na tuah hnu na website/blog an check dingih zarh tawkfang ah ca an lo let sal ding. Adsense account na nei hnu in cu na website le blog ah Ads code pawl ret thei a si. A tlangpi thu in web page 1 ah Image/Text ads 3 le text link ads 3 ret theih a si.

Ziangtin Adsense in summi an pek: Adsense in sum an pek daan phun 2 a um. Pakhatnak ah per-impression a siih 2nk ah per-click a si. Per-impression ti cu an Ads zohtu an nei zat a si. Per-impression ah a tlangpi thu in 1000 impression ah 1$ pek a si. Per-click (Click per cost) hi a ram ih zir in pek daan a bang aw lo. Ram cangkang deuh ram ih click hi a tlangpi thu in 1 click ah 0.10$ – 0.20$ hrawng a si. A caancaan ah 0.50$ tiang tla a si ṭheu. Ram cangkang lo ram a si le click 1 ah 0.01$ ti vek tla a si. Na website le Blog US, Canada, Australia le UK tivek ah a lar le sum ngah theinak zin a sang tinak a si.

Adsense in ziangtin summi an kuat: Check lole Western Union in summi an kuat, mah duhmi hril theih a si. Amalbik sum ngahmi 100$ a kim a ṭul. 100$ hnak ih mal an kuat lo. Thla khat ih na ngahmi 100$ hnak in a mal a silen an khawl ding ih 100$ a kim tikah an lo kuat leh ding.

Ruahsan Dingmi: Website nitin lengtu 500 leng neitu hrang ahcun Adsense in sum mallai ngah ding ruah sannak a um nan website le blog lengtu maltuk nikhat 100 hman kim lo in cu sum ngah ding a ol lo. Curuangah na blog le website ah mi tampi lengtu ra dingin na teimak a ṭul.

Tuahlo dingmi: 1. Adsense policy ih tuahlo ding ih nasa zetin a khammi cu na website/blog ih Ads kha nangmah ten na click lo ding, na rualpi pawl tla na click ter lo ding. A thupten ka tuah tiah na ruat ding nan an thei thotho. An lo thei in Adsense ihsin an lo dawi ding. Curuangah dingfelten um kha a ṭha bik. 2. Mi pakhat in Adsense account 2 tuah lo ding. Ka rualpi pakhat adsense account a nei zo nan, a dang account pakhat apple sal. Cumi tla an pass. Nan neita ah an thei sal ih Adsense ihsin an dawi. Curuangah Adsense account na nei zo a si le a dang apply na tuah nawn lo ding.

Na ruahnak