Hakha in 6, Thantlang in 10 President hnen ah thil an dil

Home » Cahram » Hakha in 6, Thantlang in 10 President hnen ah thil an dil

By vcth on February 22, 2017.

Myanmar rampi President U Htin Kyaw cu Falam ih Chin Miphun Ni sunglawi zetin a hmang hnu ah February 21 ah Hakha le Thantlang ah fehin Khua upa pawl thawn tonkhawmnak an nei. Cui tonkhawmnak ah Hakha khua upa pawl in thil 6 president hnen ah an dil ih Thantlang khua upa pawl in thil phun 10 an dil ve.

Hakha khaw nu/pa ih President hnen an dilmi pawl tla cu:

  1. Hakha khawsung zin rem ding
  2. Hakha sizung ihkhun 200 ihsin 500 ah tthan ding
  3. Thlanglam Chinram thawn pehtlaihnak zin pawl kat-taza phah ding
  4. Cozah in thing atnak cet Hakha ah ret ding
  5. Electric meisa tha bet ding (Bawinu va in mei lak bet ding)
  6. Technology lam University pakhat Hakha ah ret ding ti pawl a si.

Thantlang khaw nu/pa ih dilmi thil 10 tla cu

  1. Thantlang ah ma-ha dat-aa line thleng ding
  2. No 2 veng ih hramthok tlawng kha lailak tlawng ah tthan ding
  3. Zungkip komnak zung 148’ x 150’ RC dothnih sak ding
  4. Thantlang khua ih a um hrihlo mi cozah department zung sak ding
  5. Thantlang khawsung ah tidai a har tuk ruangah Lahva ah Dam dawl sak ding
  6. Bawinu tiva lilawn don sak ding
  7. Hakha – Thantlang lak pi 18 kau in kattaza phah ding
  8. Singzung ihkhun 25 in 50 ah tthan sak ding
  9. Mikhal riahnak riahbuk sak sak ding
  10. Townhall a sia tuk thlang ih ttha deuh in rem sak ding ti pawl an dil.

Hakha BEHS 1, Pu Thai Sawn hall ih tonawknak ah rampi president cun, “rampi thansonak ih tuanvo a neibik tu hi cozah a si. Cuvekin thansonak tla rualran ten thangso ding a thupi. Curuangah thansonak a malnak hmun pawl ah a hleice in thansonak thapek a ttul. Asinan harsatnak kan tonmi tumbik cu sumpai duh vekin kan nei lo mi a si. Kan ram ah thansonak tuah ding a tam zet nan sumpai kan daih aw lo. Curuangah innsungsang pakhat ah ttul hleice mi ziang a um tiin peisa an hmang bang tukin rampi tla cutin sumpai kan hmang,” tiah a ti.

Source: DVB & Chinland Post

Na ruahnak