Hakha thingyan le ruahnak a phunphun

Home » Thlirnak » Hakha thingyan le ruahnak a phunphun

By vcth on April 13, 2016.

Hakha Thingyan

Mizaan ah Pyanciazi zung ih Facebook Page (MOI) in Chin ramkulh khawlipi Hakha ah 2016 Thingyan cu ramkulh cozah ih hohatnak in sunglawi zetin an hmang thu an phuang. Cozah thar ih tuanvo neitu pawl in puai onnak ribbon tannak tla an nei.

2016 Hakha Thingyan cu April 12, zaanlam ah on a siih hi puai ah kawl hnakin Chinmi an tam sawn tiah an ti. Stage par ah tla Chin thuam mawimawi thawn caan a hmangmi fala tete tla hmuh ding a um.

Thingyan le Khrihfa Dinhmun

Kawlram ih Khrihfa pawl in Kawl titoih puai, Thingyan, hikan hman pi lo. Kan nauhak lai ih ti an lek mi va bih men hman ah nu le pa hnen in feh lo dingin kawk le nun sim kan tuar. Cuvekin Khrihfa bu lam tla in a hleice in an mino pawl hi thingyan puai feh lo dingin thazang pek aw a si. Kawhhran tampi cu hi puai caan ah camp ti vek tuah a si.

Thingyan hi nunphung puai maw biaknak puai a si tihi theih a har zet. Biaknak puai tampi cu a rei vivo tikah nunphung ah an cang. Cu vek thiamthiam in nunphhung puai ah tla cui nunphhung neitu ih biaknak hi tello theih lo dinhmun a si.

Thingyan cu Theravada Buddhist ram pawl a simi Kawlram, Thailand, Laos le Cambodia pawl ah hman a si. Nunphung a si tiah kan ti ahcun Kawl nunphung lawng siloin Theravada Buddhist ram pawl ih nunphung a si ding.

Chinmi dinhmun le Khrihfa dinhmun in Thingyan cu kan pehparnak zianghman a um lo.

Hmai lamah Ramkulh Cozah in Thingyan hi Promote ding a si maw

Mihrekkhat in Chin National Day ah tla Kawl pawl, Cozah upa pawl in in sunloih pi ve ko, bawi upa pakhat dinhmun in Thingyan, an Kawl puai, sunloih pi cu a poinak a um lem lo tiah a titu an um. Cucu mah ruah daan cio a si ko.

Hmailam ah Chin ramkulh cozah, Chin ramkulh hruaitu lu le ban pawl in Thingyan an sunloih ding hi na duh maw? tiah lo sut sehla …….. ziangtin na let ding.

Sim zo vekin Thingyan cu social (luhmuhzi) lawng a silo, Biaknak le nunphung hrambunmi puai a si ruangah Chin ramkulh (Chin mipi ih hriltlin mi) cozah cun thapek ding a si lo in ka hmu. An duh len anmah Kawl, Buddhist pawl in nuam zet le zalen zetin sunloih ko seh.

Ti har boruak

Tu kum cu Kawlram hmun tampi le Chin ramkulh hmunkip ah ti a har. Cu pawl lak ah ti harbik khua ha Hakha a tel ve. Mipi in ding, hman ding harsa zet dinhmun ah….. tin ruah ding a um.

Mah hmuhdaan le ruahdaan cio a si vekin a tanglam ah na hmuhdaan, nan ruahdaan zalen zetin rak comment uh!

Na ruahnak

One Response to Hakha thingyan le ruahnak a phunphun

  1. Anonymous   April 14, 2016 at 2:29 am

    Hakha thuthang in tla a tar lang ve ,Hakha khua harsa a tong rero lai ah Kawl titawi puai teh le kan ngaih tuah dg tin Mipi hril tlin mi NLD cozah tar cun a ti tin a tar lang thin a nuam duh lo nasa.
    Tu cozah thar hi mipi ih kan hril le kan zo rero lai ah Mipi harsa tan in Kawl titawi paui teh hnuk ah an ti hi cu thin a na duh ngaingai a si