Hawl thiam maw Khawl thiam

Home » Pursum » Hawl thiam maw Khawl thiam

By vcth on September 28, 2010.

.
Francis Cung Bik
Kawl thufim ah Vai bang in hawl, Tuluk bang in khawl ti a si. Hi thufim hi thil dik zet, Logic zet le Practical zet mi a si. A hawl lawng a tawp lo in a khawl ti an bet. Cucu ka lung a kim nasa.
.
Kan innsungsang ah ka pi hi sumlut nei mal zet a si. Ka pu ih ralkap pinsin te kha a ei. Thla khat ah 700 hrawng fang si hmang? Nan ka nu siseh, kan unau pawl siseh peisa kan nei lo caan ah ka pi hnen ah cu kan pan ṭuṭo ṭheu. A neihsun sumpai te cu a khawl nasa.
.
Leitlun ah mi tampi cu an sumlut a tam nasa, a hleice in lehpannak lam ih mi lar pawl, kawlram siar lo kan ti pei. An sumlut a tam lai, an vang lai, an hawl thei lai ah cu Siangpahrang vekin an nung thei. An duhmi mawtaw, in le ei, an cen an nuam, nan an vang caan a cem in an neih le siah hmuah a cem ṭheh. NBA Basketball lektu pakhat kum 24 a si ah kum khat ah $1 Million a ngah ih a kum 34 a si ah um hmun nei lo in lilawn tang ah a it. Boxing thong thiam pakhat a lek thei lai ahcun Millionaire a sinan a lek thei nawn lo hnu kum 2 a si ah mawtaw kholhnak ah hna a ṭuan. An sumlut a mal maw ti zoh sehla a mal lo nasa. An thiam lo mi cu a khawl a si.
.
Sumpai khawl thiam ti cu hawl thiam tluk ih a thupi mi thulu pi a si. Cucu ṭong dang in pursum fimthiamnak tiin kan ko thei ding ka zum. Hi thu kan thei fiang a si le milain kan silo hman ah khopkham le tlasam lo in kan zohkhen aw thei ding ka zum. Ziangzat na ngah ti hnak in ziangzah na khawl thei ti hi a thupi sawn. Ziangtin na raut……….?
.
Sumpai lam mi tlasam tuk si lo ding in khuakhan, khurkhua ruat in zuam cio uhsi.
.
Na ruahnak

2 Responses to Hawl thiam maw Khawl thiam

  1. Js Jama   September 29, 2010 at 1:50 am

    A si rori, a lakluh lam cak vio hman sehla, kan khawl thiam siri lo cun, paisa bag pop ih paisa sanh/khawl thawn a bangaw a si. Na thu a tha ka ti.

    Taimak hi hlawhtlinnak ih vorh lam a si ih, a khawl thiam hi a keh lam a si an ti.

    Js Jama

  2. VCTH   September 29, 2010 at 4:45 am

    Ka Lungawi tha in pek ih,
    Zuam rero nor rero cu kan si………….
    Teimak ten in ttanpi in in siar sak ih kan lungawi