Henry Ford Ka Si

Home » Cahram » Henry Ford Ka Si

By vcth on February 29, 2016.

Francis Cung Bik

Voikhatah tlangval pa pakhat cu a pai’ Mawṭaw Ford thar te a ruk in rualpi pawl thawn vaknak ah a hmang. Vansiat ah lamzin ah cui mawṭaw cu a siat. Tlangval pa cun a thiam tawkin a rem. Minutes 20 lai a rem, a rem thei lo. A thlan hripi a suak. Culaiah putar pa pakhat in a hmu, “tlangval pa bawm na ṭul maw,” tiah a hon sut. Tlangval pa cun nang putar meimei um men aw, kei tlangval ṭha hman in ka rem thei lo mi” tiah a ti. Cutin a zuam sal. Cu putar pa cu a fehnak lamzin zawh in a feh.

Nazi 1 hrawng a rei ah tlangval pa cu beidong in a mawṭaw kiangah a to. Putar pa a tlung lamzin thawn an tongaw lala. Putar pa cun, “Vala bawm na ṭul maw,” tiah a sut sal. Tlangval pa tla cu, “na paih le cu bawm ko hmen,” tiah a ti. Putar pa cun minutes 5 hrawng a rem ih a ṭheh cih. “Khah Vala na mawṭaw engine start hnik aw,” a ti. A Start ih a cet a nung. Tlangval pa cu a mang a bang. Nazi 2 sung a zum rero mi ziang hman lo ih a ruat mi putar pa in minutes 5 ah a rem ṭheh.

Mangbang zetin, “ziangtin minutes 5 ah na rem ṭheh thei ti a sut.” Putar pa in “ka hmin cu Hanry Ford, Ford Mawṭaw company a dintu le neitu ka si,” tiah a ti.

Henry Ford Ka Si

Na ruahnak