Hi vek mipa pawl hi fala pawl in an thihpi

Home » Cahram » Theihkauhnak » Hi vek mipa pawl hi fala pawl in an thihpi

By vcth on May 1, 2017.

Fala pawl in ziangtin in uar ding, ziangtin ka hip ding ti hi tlangval tampi ih ruatmi a si. Nunau pawl ih an thih hnawhmi tlangval zaten in hmel ttha zet, ruangrai ttha zet hlir an silo……….

Thiamnak pakhatkhat nei

Fala pawl in talent pakhatkhat a nei mi mipa hi an uar. Guitar tum, hlasak, lehpannak lam, rawlsuan, camera zuk thiam, IT lam thiamnak tvp… Fala pawl hmai ah na thiamnak suah ding ningzak hlah. Ziangah tile nunau pawl in thiamnak a neimi mipa an uar. Nan ralrin ding a ummi cu a hleiluan tukin phorh, mai thiamnak hnak ih thiam vekih um ti pawl cu a ttha lo. Hi pa cu huar a tlai tin an lo hua sawn riangri ding.

Nunau zawn ruat thiam

Mipa le nunau hi kan sinak a dang aw vekin kan duhmi tla a dangaw ve. Curuangah fala thawn thu nan rel tikah bawhlung sit thu, wresling, boxing thu,  ramkhel thu ti vek hnakin an duhmi topic hawl thiam aw. Cun nuna a tam sawn cu duat an duh, laksawng tete pek tla an duh. Laksawng ti tikah mankhung ciamco a ttul lo. Ahmat Tayah a si dingmi thil tete pek le a ngah ko.

Capoh thiam

Capoh thiam phah tla hi a ttha. An lungawinak, an hnihnak ding tong ding tlasam lo dingin zuam aw. A hleice in an beidong caan,  an lunglen caan ti vekah an lungawi ter thei tum aw.

Mithmai pan, hni

Ruangrai ttha ti vek tla a thupitnak a um ko ding nan tlaitluan (long-term) hrang ahcun mithmai pan le hni siamsi thei hi a thupi. Na hni mi mithmai hi an thinlung sungih a tangmi thil pakhat a si. Mawi ten na hni thei ding in haa faiten tthuah aw. Nunau pawl cu a tlangpi thu in mipa hnakin an thiangfai, thianfainak a duhtu an siih thiangfaiten um thei dingin zuam aw.

Romantic tiam aw

Duhdawtnak thu thawn pehpar aw in nunau pawl hi Romantic an duh. Mipa hrekkhat cu hi vek lam ah an tlasam zet. Romantic deuhnak hmun ah rawl-ei fehpi, lakphak, coffee in pi ti vek an duh.

Nangmah le nangmah rinsan awk aw 

Mah le mah rinsan awknak a neilo mi mipa cu nunau pawl in an rinsan thei lo. Mah le mah rinsannak a neimi mipa pawl in an fala, an duhmi humhimten an ret thei.

Na ruahnak