Hmelmawi nan huat-tlai pawl

Home » Cahram » Theihkauhnak » Hmelmawi nan huat-tlai pawl

By vcth on December 26, 2016.

“A hmel a mawi zet nan, huat a tlai” mi pawl na tong dah maw? Hih a hnuailam ih nunzia phun 5 in mi huattlai ah a lo canter thei.

1. Mah thu lawnglawng rel – Rulpi lak ah siseh, Khoikhoi khal ah siseh, mah thu lawnglawng rel, mai thil, mai sungsang, mai te le fa tthabik, mawibik ih rel ringring. Mi simmi tla ngai duh cuca lo, mai simmi a thupi bik ih ruat pawl hi an mawi zet hman ah duhrim an kop lem lo. Na hmel a mawi hman ah himi nunzia in mi huattlai ah a lo canter thei.

2. Lenglam mawinak
– Minung pakhat sinak ah lenglam mawinak hi a thupi zet ko. Asinan sunglam mawinak a tello mi lenglam mawinak cu mi ih mitkemnak a si. An tuah, an ttuan mi hmuahhmuah mi mit-hmuh hrang lawngah a si ruangah rei a daihlo. Hi nunzia in tikcucaan a rei cun huat-tlai minung ah a lo canter thei.

Cun hni le puan, cei awk daan a hleiluan in lenglam mawinak hrang a luar ih tuah aw pawl hi huat an tlai.

3. A tthalo zawng ih mit meng ringring – Ziangtik hman ah a ttha zawng in hmu dahlo, ruat dahlo pawl hi khoikhoi khal ah duhrim an kop lo.

4. Mi hngaoh-san ringring
– Ziang hmuahhmuah ah mi rinsan ringring, mah in ziang ttuanvo pakhat hman lak theilo/paihlo pawl hi mi ih upat mi si ding a har. Ziangkip ah mi an rinsan ringring ruangah neta ahcun mi in ‘hi nu/ hi pa cu hnai a hnok’ tiih an timi na si leh thei.

5. Sibik, thiambik ih um pawl – Ziang hmauhhmauh ah sibik le thiambik ih um pawl hi na hmu ttheu ko ding. Duhnung an um le umlo cu na thei ko ding.

Na ruahnak