Hmuhsuamnak Ruangah MPT Hnatuan Pawl Tazacuai Tum

Home » Thuthang » Chin News » Hmuhsuamnak Ruangah MPT Hnatuan Pawl Tazacuai Tum

By vcth on September 18, 2013.

Hakha khawsung um U Kyaw San in hmuhsuamnak ruangah Myanmar Post and Telecommunication (MPT) zung hnatuan pawl taza a cuai tum tiah the Chinland Post in a phuang.

August 2013 Myanmar Telecommunication and Post (MPT) zung pekmi phone simcard camcawh zuk dingin a hmin a pe vetu U Kyaw San cu Phone a na ngah zo, na ningzak lo maw tiah apply form parah ca an khirh mi ninghang in taza a cuai tum.

Hakha khawthar ih um U Kyaw San cun, “mi dang tla pa 2,3 a ngah an um ruangah ka suat salnak a si. Ka suah ih ka ngah lo tla poi ka ti lo, tu vekin na ningza lo maw tiih ngan mi ca pek a tul lo. Hi cu mualphoh in duh ruangah a si,” tiah  U Kyaw San nupi nih The Chinland Post ah a sim.

“Tutum phone simcard a suattu 6,712 an um ih a suattu lak ihsin 4042 cu phone nei cia an si. A nei cia pawl telh nawn lo in Minung 2,670 in camcawhfung an zuk ih minung 1,200 (GSM 200, CDMA 1000)in simcard an co. CDMA hi khuapi minung hrangah 616, khuate lam 114, cozah hnatuan 270 pek an si. GSM hi khuapi minung 112, cozah hnatuan 88 pek an si.” tiah pehtlaihnak zung tuanvo neitu in a ti.

“A hlan ahcun a suattu poh in camcawhfung zuk a si. Mi hrekkhat in 2 ngah tla an um. Curuangah tutum cu a ngah cia pawl suat lo dingih kan tinak a si,” tiah a sim bet. Tuitum hi Hakha ah Simcard an zemnak a voi 4nk a si.

U Kyaw San Hakha

Source: The Chinland Post

Na ruahnak