HNIHSUAK THUNGAI

Home » Cahram » HNIHSUAK THUNGAI

By vcth on December 21, 2013.

albert-einstein

Johnlsl

Khul
Socrates hnenah khualtlawngpa pakhat nih hitin thu a sut.

“Hmai ih khua thleng dingin ziangtluk rei ka feh ṭul ding”.
Socrates nih “ feh phot mei awla” a ti.

A feh ih kar kul hrawng a kar hnu-ah Socrates nih a hei ouh.
“Nazi pahnih na rei ding”

Khualtlawngpa cun thinheng nawn in,
“Ziangah ka lo sut lai ah ṭhaten i sim men lo” a ti.
“Khuitluk in na feh ding ti zoh ta ṭul si”.

Duh sawnmi
Rome san, canganthiam Kanton Senior hnen ah a uar zettu mi pakhat nih,

“Ziangah si, Rome khaw lai ah na zuk-lem tuah in upat sunlawihnak an lo pek lo ti ka ruat thei lo, pakhatkhat cu kan tuah ṭul ding” tiah a ti.

Anih in “ zianghman tuah lamlam hlah, ziangah hi pa hi sunlawihnak an pek si pei ti hnakin ziangah upat sunlawihnak an pek lo si pei tihi ka duh sawn” a ti.

Thinphannak
Voikhat cu Socrates le milian zet pakhat khual an tlawng thlang. Lamtluan ah mi huatsuak fifir an tamzet ti thu an thei tikah, milainpa cun “ in thei pang ahcu ka cem si ko”. Socrates cun “ in thei lo pang ding ka va phang ve”.

Asan
“Na mithmai ah donharnak pakhat te hman na nei lo mi hi ziangruangah si” tiah a tlawngta in Socrates cu a sut.

Anih in “ka sungral ṭheh ual tiin riahsia ding tlak thil pakhat te hman ka nei lo ruangah panteh”.

Ka sut lo
Mino pakhat nih Mozart hnenah Symphony( hla picang tak, mi tampi ih tum khawm ṭul, a malbik ah hla bung ṭhen pathum in a tlun telmi) ngan daan a sut.

“Na no deuh lai lo maw, hla menmen pawl ngan hrih ko awla” tiah a ti.
Mino pa cu lungkim lo zet in “ziangah nang hmuah na kum kumkua ah symphony pawl na ngan zo ko lo sawm”? Mozart in “ngan e, asinan kei cu zohnen hmanah a ngandaan ding ka va sut ciamco lo pi”.

Pakhat te
Awnmawi thiam hminthang Wagner le Shumann, an hmu awk tawkfang in kom ngaihaw zetmi rualpi ah an cang.
Wagner nih “ Shumann cu miṭha tak a si, a ṭong mal tuk lawmmam mi lawng hi si poi”.
Shumann in le “ Wagner cu mitawk, kom nuam tak patling a si, a ṭong tam tuk luar mi pakhat te hi si a poi”.

A ṭul lem sawm!
Einstein cu san thawn mil aw mi hnipuan hruk a thiam lo hlei ah thur nawn in a um deuh ringring. Voikhat cu New Yorh ih a rualpi pakhat nih,
“Na angki leng hi a hlun tuk ih ziang rawng(colour) ti hman thei a theih nawn ual lo, a thar lei in thleng thlang awla” a ti.
Anih in “a ṭul lem sawm, New York ah zohman nih in thei cuang lo pi”.

Kum tawkfang rei ah cui a rualpa nih cui angki hlun zet a hruk rero thotho tu Einstein cu a hmu tikah angki thar thleng ding in a forh lala. Einstein cun “a ṭul lem sawm, New York mi hmuahhmuah nih in thei ṭheh thotho ko ual” a ti.

Na ruahnak