HNIHSUAK THUNGAI (2)

Home » Cahram » HNIHSUAK THUNGAI (2)

By vcth on January 27, 2014.

Honore de Balzac

Johnlsl

Phang hlah!

Canganthiam Mark Twain hnenah mi tampi in bawmnak an dil ṭheu. Voikhat cu khaw pakhat ih hotu upa nih hitin bomnak a dil, “ Kan khua ih thlanmual kulhnak a ṭha nawn lo, a thar tuah kan tum ruangah in bawm hram aw”

M.Twain nih “ Thlanmual timi cu hruang ih kulk a ṭul lo pi, a sung ih umtu pawl le a leng an suak thei lo, a leng ih umtu pawl in le a sung lut ding kan paih naisai lo”

Hawl duh aw hlah

France canganthiam hminthang Honore de Balzac ih inn ah zaan khat cu fifir a lut. Awn a thei ruangah Balzac cu a ṭhang, thim lakah bi-zu sung thil pawl kau in fir ding a hawl rero tu fifir hnenah duhsah ten hitin thu a hei sut,

“Zaing na hawl rero ti thei ka va duh ve, sun khawtleu lai hman ah ka inn sungah cu paisa piakhat te hman ka hawl hmu thei lo si khawh”

Reipi

Voikhat ah a tar vivo thlangmi Canganthiam hminthang Bernard Shaw cu a ṭawnṭai ruangah sibawi a ko.

Sibawi nih “ sayapa, kei cu mangbangza thil tuahtheitu ka si lo, no saal ding in tla ka lo tuah thei lo”

Bernard Shaw nih “ No saal ding hi ka duhmi tla a si cuang lo, nan, reipi tar ringring thei ding sawn si ka duh”

Duhnak

Voikhat cu Bernard Shaw le a rualpi pawl Hotel pakhat ah zanriah an ei. Music Band pawl an thil awn a thang tuk ruangah Shaw cu a thinlung a hnaihnok zet.

Thil sidaan theithiamtu Band hotu pa cu Shaw hnenah a ra.
Shaw nih “ Nan dawr a ra tu pawl ih duhnak vekin nan Band nih nan tuah sak thei pei maw”
“ Ngah tuk e”
“ Sile, na musician zaten zaa-sawm(phe) lek ter hngai men aw”

I hip sawn

Biaknak lam a thupi ter zettu rualpi pakhat nih Bernard Shaw cu na khawvel tuk tiin hellram thawn a ṭhih ringring.
Nikhat cu Shaw nih, “ Varam ih nomnak pawl tla ka lo el hrimhrim lo, ni le khua, boruak tla a nuam zet ko ding, nan, ka hrangah cu hellram nih i hip sawn a bang, ziangahtile mifim, mithiam, mitawk tampi ka va hmu ngah sawn ding si lo maw”

Cang thei lo ding

German, Sibawipi, Robert Kock cu khawvel hminthang le man lo zet a si na cingin mi zaran menmen pawl tla ralringten a ṭhabik in a tuamhlawm hngai ringring.

Voikhat cu Siangpahrang William a dam lo ruangah siangpahrang runinn ah cu an ko. Siangpahrang in “ Mi farah zaran pawl vek men in cu i zoh lo ding ti ka ruahsan”
Koch nih hi tin a let, “ Danglam-ce in lo zoh ding! Kha cu a cang thei lo ding, ziangahtile mina hmuahhmuah siangpahrang zoh in ka zoh hngai ṭheh si”

Na ruahnak