HNIHSUAK THUNGAI (3)

Home » Cahram » HNIHSUAK THUNGAI (3)

By vcth on January 31, 2014.

Lincoln

Johnlsl

Thuanthu
Tu’i san pursumnak lamih milian hminthang pawl ih thu le hla teh ziangah na ngan dah lo tiah mirang canganthiam hminthang Walter Scott hnenah an sut tikah, “Mah miatnak ding le hlawknak ding lawnglawng a ruat ringringtu pawl nih thuanthu ngan ding an nei lo pi, an nih thu cu ca tluankhat nih a daih ko, an suahni le thihni hleilo ngan ding dang an nei sawm.”

Hmuhdan
France mi, canganthiam, mifim, Voltaire hnenah cangan paihzet mino pakhat nih a cangan mi a ra hmuh. Voltaire ih hmuhdan le ruahdan kha beisei zetin a hngak.

Tawkfang rei-ah, “Hivek ca cu na u-pa le na hminthang hnu-ah ngan sawn leh awla, cuhlan sung cu hihnak-ih ṭha deuhin ngan zuam hnik aw.”

Ziang saing
Ralbawi pakhat ih nupi in Russia ralbawi hotu ber Suvorov hnenah “ Ka pasal nih i hmuahsuam” a va ti. Suvorov in “Cucu kei thawn ziang saing” a rak ti.

Cun nunau nu in a bet lala, “ Na um lo lai-ah na thusia a rel sokhaw”. Suvorov cun “ Cucu nang thawn ziang saing” a rak ti san pan lo maw.

Mi zaran
American ram hotu Abraham Lincoln cu thucahnak pek dingin mipi lakin hmailam ah a pok. Dunglam in mi pakhat in hitin a vun ti, “ Ziang danglamnak hman a nei ve cuang ual lo, nang le kei men vek si ko hi teh”

Lincoln cu dung a her ih hitin a hei sawn, “ Ka rual, mi zaran menmen hi Pathian nih a duh sawn sokhaw, si, nang le kei vek vualvo hi saircawklo in a sersiam hi teh”

Mifim pa’i sangka
Electric meisa le thildang phunphun a tuahsuaktu, serthiamnak lamih hminthang Edison cu a rualpi pawlin lungkim lo zetin hitin an mawhthluk. “Thil phunphun tuah in le na hminthang zet, na inn lo rak leng le na hmuan sangka tul le on a har tuk fawn, ṭha deuh ih tuahsuak daan ding vun ruat hnik aw ee”

Edison nih “ A ṭhabik in ka ruat ih ka tuahmi a si hi”
“ In capoh maw”
“ Thungai, hih sangka le inn dungih ti zuuknak ceet ka peh ter, in ra lengih sangka voikhat nan ong titen kan inn luanglu parih ti-pung pi sungah tidai litre 30 a thleng so ringring, hehehe”

Hna ngaingai
Russia mi, hlangan le hlasak hminthang Shalyapin cu a tuahmi hna parah zawmtai nawn ih zoh le nautat hi a duh lo thei nasa ce zettu pakhat a si.

Voikhat cu thinnuamlo zetin hitin a sim.
“ Ka cing lai, voikhat zaan cu rangleng thawn ka vak, rangleng mawngtupa nih ziang hna si na ṭuan tiah i sut, kei in hla ka sak ka ti, a nih in ka lo sutmi cu cumi si lo, sayapa, na hnaṭuan ngaingai si ka lo sut, hlasak ti sawh cu kei tla ka umhar titen ka sak ko cuteh”

Na ruahnak