Hnihsuak Thungai (4)

Home » Cahram » Hnihsuak Thungai (4)

By vcth on April 2, 2010.

Johnlsl

A Cangthei ko
Winston Churchill ih kum 80 kim suahni ah mizuktu mino pakhat in Churchill cu a zuk.
Cule cu’i mino pa cun, “Ka pu, na kum 100 kim puai ah tla ka lo zuk ngah saal ding ti ka ruahsan”
Churchill in, “Si ee, a cangthei tuk ko, harhdam dingin felfai ten rak kilkhawi awk awla”

An pontam lo
Wiston Churchill cu ram hotu lawng silo, pa-ci saya (fine artist) pakhat a si ve. Voikhat cu a zuk suaimi pawl a rualpi pawl a hmuh hngai.
Mi pakhat in, “Ziangah fing le tlang zuk lawnglawng na suai” tiah a sut.
Churchill in, “Thingkung pawl cun kan va bang aw lo ve tiah mi an mawhthluk dah lo cu teh”

Duh biknak hmun
Zankhat cu a nupi nih, “Na hnaṭuan thawn na zonzai tuk aw, thaisun cu hmun khatkhat ah va cawl awla a ṭha ding” tiah Edison cu a fail.
Anih in, “Khui ka feh le ṭha pei”
An nu cun, “Na duhbik nak hmun ah panteh”
A thaisun cu a nupi nih Edison cu a hnaṭuannak khaan sungah hnaṭuan rero in a hmu ta riai pan lo maw!

Caan um sun te ah
France cangantiam hminthang Paul Clodel cu a rualpi pakhat nih mangbang zetin hitin a sut, “Ziangah nang le Pathian zumtu na si fawn, Pathian um lo a ti tu minung pawl na kom hngai”
Anih in, “Kan thih hnu Vanram ah le kan tong aw nawn fawn lo dingih tong aw thei lai te ah tiah ka kom hngai panteh”

Ka raibur deuh
Serthiamnak lamih hminthang Newton cu thiamhleice a si upat langter nakah ‘Lord’ timi sunlawihnak sangbik an pek. Lord pakhat dinhmun in House of Lords thurelnak ah a tel ve ringring. Kum 26 sung cui thurelnak pawlah ṭong lo in a to ringring. Voikhat cu a nih lo bang in meeting laiah sim duhmi pakhat te ka nei tiah a dil. A timi cu, “ Zangfahten nan lungkim cio ding a si ahcun sangkate in phit sak dingin ka lo ngen, ka raibur deuh ih thil a lut mi ka celh lo.”

Na ruahnak

One Response to Hnihsuak Thungai (4)

  1. Anonymous   April 2, 2010 at 1:05 pm

    Indopi II(?) nak laiah khan USA ral kap pakhat hi Helicopter ihsin tipi ah a tla, tipikap kilkhawitu security pawlin an hmu ve ten an va run suak. Cupa cu zo si ding na zum…George W Bush ih Pa George Bush USA President 42(?)kha a si.

    Tuallawt