Hnihsuak Thungai (5)

Home » Cahram » Hnihsuak Thungai (5)

By vcth on April 8, 2010.

Johnlsl

Ziangtin!
Thah dingin an hruaimi socrates cu nunau pakhat in ṭap phahin hitin a hei ouh.
“Ziangah sualnak hman a nei lo in cu nan that tum”
Socrates nih hitin a hei sawn.
“ Cucu sualnak nei ta in maw thih ter in duh”

Ruangah
France mi, canganthiam Voltire cu zanlam tinten a rualpi sibawipa thawn thunuam relin caan an hmang tlang ringring. Voikhat cu a dam lo ruangah a rualpa sibawipa hnenah ca tawite a ngan duak lohli.
“Ka dam lo ruangah tuzan cu ra duh hlah aw, thunuam kan rel thei cuang lo ding”

Ka uar lo tuk
Mizan ih a thupom kha tuni ah a ṭhin ruangah congress upa pakhat nih Lincoln cu a soisel. “Na thu ṭhin a rang tuk lo sawm”

Lincoln cun, “ Rang tuk e, mizan hnakin tuni ah hmuhdan le ruahdan puitling vivo ding ih a rem aw lo leh a zuam lo tu minung pawl cu ka uar hngai lo tuk”

Theifiang tiang
Awnmawi lamih talent nei mino pawl a bawm thei zettu awnmawi pu Beethoven cu asi ih sithei lo mi pawl a tong tikah a hmaisong hngai ta riai lo. Nikhat cu a tlasam zetmi mino pakhat a hnenah ra in a hla pawl a hmuh.

Ṭhaten a ngai hnuah Beethoven cun hitin a ti, “Hlangan tlak minung ka si lo ti na theifiang aw tiang teimak zetin ngan zuam rero hrih ko aw”

Ka cem
Dermark mi, khawvel ih hminthang zuksertu B. Thorvaldsen cu a sermi zuk kiangah a ṭap rero kha an hmu tikah a ṭapnak san an sut.

“Zaingah, na sermi zuk parah na lungkim lo tuk mawsi, a ṭawnṭai tuk tiin maw na hmu ih”
Anih in, “ Sihlah, hih zuk ah soi ding pakhat hman ka hmu lo ruangah panteh”
“ Cucu a ṭha tuk sawn si, ṭap ṭul rero sawm”
Anih in, “Mah sermi kutneh ah soi ding pakhat hman hmu lo ti cu ruat hmem uh, a tlasamnak vun hmu nawn ta lo ah ziangtin hihnak ih thilṭha ka tuah thei bet nawn ding, ka cem tinak a si ko”

Na ruahnak