Hnihsuak Thungai (6)

Home » Cahram » Hnihsuak Thungai (6)

By vcth on April 21, 2010.

Johnlsl

An lawm aw daan
Charlie Chaplin ih zukmi the gold rush zuknung cu Eaistein in a duh ngaingai. Curuangah Charlie hnen hitin lawmnak ca a hei kuat.
“Ka rual, the gold rush cu a ṭha tuk lawmmam, a duhsannak khal a fiang, mi hmuahhmuah nih tla an theithiam ding, khawvel ah na hmin a thang tengteng ding”

Charlie nih ca a hei let saal.
“Sayapa,nangmah hi si lawm tlak taktak sawn cu, na Relativity theory hi zohman nih kan theithiam thei lo nan leitlun ah hminthang bik minung na si thei hi”

Ca tawite
France mi, cangamthiam, mifim Voltaire cu mi pakhat in tong duh ah lamhla pin a ra pan. Nan a tunu sawn lawng nih a ra tong , ei ding in ding pawl a tuah sak, cule ṭhaten a rak biak. Voltaire cu a pawt duh ta lo.

A tlung hlanah mikhual cun ca tawite a ngan ta.
“Pathian ah ka lo rak ruat, si, cui ka ruahnak a dik ti tu ka hmu fiang, ziangahtile lo tong theih na si ual lo maw”

Cui mikhualpa’i teernak ca tawite Voltaire in a sair veten a uar tuk ih va dawi tahrat in inn ah a kir pi saal.

Thapektu
Russia mi hlangan le awnmawi ih hminthang Pokrass nih a nauhak lai thu a vun rel saal.
“Ka cing lai, kan nauhak te laiah ka nau Danny thawn hla kan ngan ṭheu.Voikhat cu hla suahtu pakhat hnenah kan va sak.Kan hla a ṭha lo tuk ih maw, kan nauhak tuk ih in zum lo maw thei hlah, a lu a thing nasa. Culaiah dawr sungah nupinu pakhat a ra lut ih kan hla notes pawl a zoh, cule nan hla cu a va ropi ve tiah a ti ih in lei ta riai, cui nupinu cu ka nu a si,hehehe.”

Siangpahrang a thi
Holland mi philosopher B.Spinoza cu a inn hlangnak inntekpa thawn Chess an lek ringring. Voikhat cu inntekpa nih mangbang in hitin a hei ti.
“Kei hmuah ka sung le thinnuamlo in ka um si khawh, nang hmuah na sung le tla lungawiten na hni siamsi thei hi ka lo mangbang”

Anih in “Ka lungawi thotho nak cu ka sung ruangah si lo, zodeuh kan sung le khal siangpahrang a thi ṭul si lo maw! Siangpahrang uknak a duh lo tu ka si ruangah siangpahrang a thi phot in cu ka lungawi si ko”

Thu remsalnak
Thuthangca pakhat ah editor a ṭuan laiah Mark Twain cun mibumhmang a si tin a ruatmi pa’i thu cu hi tin a ngan.
“Mr.N cu a hmai zawn cekci hmanah cil ih phui tlak a si lo”
Mr.N nih ta-ya-a-cuai ruangah thuṭhennak zung in cui thu cu a ngantu in remsal seh tiah thu an suah. Cuveten Mark Twain nih hitin a remsal lohli.
“Mr.N cu a hmai zawn cekci ah cil ih phui tlak a si”

A tlai tuk
Canganthiam ruangah Nobel laksawng an pek kha a rak sang lo tu Bernard Shaw cun a elnak san kha hitin a sim.

“ Hih laksawng cu tilian ih fenmi pakhat, amah ten a teimak, a zuam, tikap ah a thleng saal zo, cui hnu ah mirunnak lawng fate hei pek vek khi si ko lo sawm”

Na ruahnak