India in Rohingya minung 40,000 Myanmar ah kuat tum

Home » Thuthang » Ramsung » India in Rohingya minung 40,000 Myanmar ah kuat tum

By vcth on August 15, 2017.

India ram ih um Rohingya minung 40,000 tluk cu Myanmar ram ah kuat sal dingin an tum thu India ram Deputy Minister of Home Affairs Kiren Rijiju in a phuang.

Kiren Rijiju cun, “Rohingya pawl cu India ram ah dan lo ih um an si thu, UNHCR ah hmin khum hngai hman sehla India ram thawn ziang hman a pehpar aw lo thu, India cu U ah refugee pawl lak dingin lungkimnak a rak tuah lo thu” pawl a sim.

UNHCR ih hmin khummi ah India ram ah Rohingya minung 16,000 tluk an um. 2012 ih Rakhine ram buainak hnu in Rohingya pawl cu hmun dang ah an vai tam sinsin.

Kan dungkum October thla ah Rohingya pawl in Rakhine ramthen ih palik sakhan pawl an sim hnu in Myanmar cozah in Rohingya pawl parah harsatnak a pek sinsin. Cu hnu in Bangladesh le India ah Rohingya mipim a karh sinsin.

Deputy Minister of Home Affairs Kiren Rijiju cun “India ram ah Rohingya pawl lawng siloin daan lo in um zaten an ram ah kan kir ter thluh sal ding,” tiah a ti.

Na ruahnak