Indonesia ah cetzung pakhat meikang, mi 23 thi

Home » Thuthang » Leitlun Thuthang » Indonesia ah cetzung pakhat meikang, mi 23 thi

By vcth on October 26, 2017.

Indonesia ram, Jakata khawlipi nitlaknak lam, Tangerang ah Mi-pan (Firework) tuahnak cetzung pakhat cu October 26, zinglam nazi 9:00 ah meisa a kang ih mi 23 an thi, mi 43 hliamhma an tuar tiah theih a si.

Jakarta palik a simi Nico Afinta cun, “hi cetzung ih hnatuantu an zaten minung 103 an si. Minung 43 cu hliamhma an tuar ih sizung 3 ah kan kuat. Tu tiang mithi ruak kan hmuh mi cu 23 a si,” tiah a ti.

Mi-pan tuahnak a si vekin zian pawl tampi khawlnak a siih mei a kang tikah voikhat hlio ah a hlio lohli. Meikang ih a thimi pawl hi an ut thluh ih zo a si ti thla theih thiam an silo.

Source: HindustanTimes

Na ruahnak