Innhnen Vengpa Duhdawtnak

Home » Nitin Manna » Innhnen Vengpa Duhdawtnak

By vcth on January 22, 2017.

NITIN MANNA

January 22
Zarhpi Ni

Innhnen Vengpa Duhdawtnak

“Bawipa na Pathian cu na thinlung zate,
na nunnak zate, na cahnak zate le
na ruahnak zate thawn na duhdawt pei ih
na innhnen cu nangmah le nangmah
na duhdawt awk vekin na duhdawt hngai ve pei, a ti.”
– Luka 10:27 [Luka 10:29-37]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Sam roternak (hair dryer) lei ding cu a har lo nain paisa khawl ka duh ruangah a siatmi keimah te remh ka tum. Naam fate in a kutkaihnak sungih ummi a khennak screw phoih ka tum tikah ka kutzung ka tuahmawh.

Hih thilcangmi par ihsin ka zir ngahmi cu: Keimah le keimah ka duhdawt aw. Ka tulmi tuah dingah zamrang te’n ka nawt aw. “Ka thiisen suakmi colhter dingah caan ka nei lo, nehhnu ah ka tuah leh ding” timi ruahnak ka nei lo. Ka hma cu dimdoih te’n tuam ka duh. Ka nupi le ka faate pawl kha dimdoih te’n ka hma kholh dingin le an tuam tikah sam thawn tuam cih pang lo dingin ka sim hngai. Keimah le keimah ka duhdawt awknak in ka khuaruahnak, ka ṭongkam le ka tuahmi thil zate’n a neh thluh.

Kanmah le kanmah kan duhdawt awk vekin kan innhnen kan duhdawt (Luka 10:27) theinak dingah a ṭulmi cu nuar lo ih duhdawt ding hi a si. Cuih duhdawtnak cu mi pakhat ih tulmi theih sak le a ngah tiang zuam sak khi a si. Cuih duhdawtnak cu ralring te’n khua a ruat ih a tuantu zaangfah lainatnak a si. Suamhmang pawl ih an tuahmawh mi khualtlawng pa parah Samaria mi ttha pa ih a neihmi zaangfahnak le thaap-awknak vek khi a si. Cuvek duhdawtnak cu Pathian in nangmah hmangin na innhnen pawl pek hngai a duh.

Bawipa, mi ih ṭulnak
hmu thiam dingin i bawm aw,
Ka kilkhawi mi pawl lakah;
Ka tongkam le tuannak in,
Na duhdawtnak i seuhter hngai aw.

Na thinlung hnak ih
fate sawn ziang thil hman in
na innhnen ih thinlung
a tonghtham thei lo.

Na ruahnak