Internet In Ziangtin Sumpai Kan Hawl Ding

Home » V-Tech » Internet In Ziangtin Sumpai Kan Hawl Ding

By vcth on June 5, 2013.

Thiamnak mallai le Caan mallai na pe thei ahcun Internet ih sumpai hawl hi na hrangah a cang thei mi a si.

1. Cauk Zuar

Cangan zuamtu na si ahcun na cangan mi pdf in e-Cabu ah tuah in zuar theih. Amazon in cabu thawn pehpar aw in Kindle Direct Publishing a tiih cangantu hrangah cabu zuar theinak a tuah ih an zuar ngah mi ih 30% na ngah ve ding (international), ram hrekkhat ih zuar ngah mi cu 70% tiang tla ngah theih a si.

Internet in Sumpai Hawl Daan

2. App tuah ih zuar

Tulai cu Smartphone, Tablet pawl a lar zet ih App a tha mi te na tuah ngah ah cu sumpai ngahnak lamzin tum pi a si. Ziangtin App tuah daan ti pawl hi online ah zoh a theih ih tutorial in tla a dotdot in an lo hmuh ding. Na tuah ṭheh in Google Play ah maw, Apple App Store ah maw zuar theih a si.

3. Zuk Zuar

Zuk thlalak a peihtu na si ahcun na thlalak a mawi mi pawl zuar theih a si. Nan na zuk pawl quality a neih cu a ṭul ve ding. Zuk a zuar tu website pawl www.shutterstock. com, www.shutterpoint.com le www. istockphoto.com ah member lut awla cuticun an zuar ngah mi na zuk pawl ihsin sum na ngah ding. Na zuk thlalak pawl ih quality kha anmah in a zohfel ta ding ih cu hnu lawngah an website ah na upload thei ding ih zuar a si ding.

4. Na Thilhlum Pawl Zuar Aw

Olsam bikih Internet ih sum ngah na duh ahcun na thilhlum pawl na zuar thei. www.olx.in, www.quickr.com le http://craigslist.co.in hi website pawl ah thilhlum zuar theinak zin an lo sialsak. Na thilhlun pawl mawi zetin zuk awla, ziang a si ti tawi famkim in ngan aw la cu tin a tlun lam ih website pawl ah na tar thei. A lei duhtu in an ra lo pehzom leh ding.

5. Online Dawr Tuah

Mah ngai ih online eCommerce dawr tuah cu a ol lo nan dawr tuah thei ding ih mi a bawmtu website pawl an um. www.ebay.com, www.indiebazaar.com le Amezon ti pawl ah member si in an thil zuar sak in commission fee na ngah ve thei.

6. Online Hnaṭuan

Tulai leitlun ih a lar mi cu Outsource hnatuan a si. Bulpak ta maw, company ta maw project pawl online in ṭuan theih a si. Hi website pawl ah www. odesk.com le www.elance.com hnaṭuan hawl theih a si.

7. E-Tutoring

Thiamnak pakhatkhat na neih ahcun www.2tion.net, www.tutorvista.com ti pawl ah Online Tutor ding in na suat thei.

8. Ads Zuar

Website, Blog ti pawl na nei a si ahcun Tilarnak (Ads) pawl zuar theih a si. Ads ah phun 2 in a um. Contextual Ads le Manual Ads tla an si. Contextual Ads lak ih a hminthang bik mi cu Google Adsense a si. Google Adsense neih ding in anmah Google ih nemhnget mi website, blog na neih hmaisa a ṭul. Cuih na website, blog ah an Ads code na than pei ih cutin sum na ngah ding. $100 na ngah ihsin Google in check in maw, western union in maw sum a lo kuat ding.

Na ruahnak